DOG 131 do 10/7/2025 - ACORDO do 12 de xuño de 2025, do Departamento Territorial da Coruña, polo que se somete a información pública a solicitude de outorgamento da autorización administrativa previa e de construción e de declaración de utilidade pública, en concreto, dunha instalación de distribución de enerxía eléctrica no concello da Coruña (expediente IN407A 2024/134-1).

VI. Anuncios

a) Administración autonómica

Consellería de Economía e Industria

ACORDO do 12 de xuño de 2025, do Departamento Territorial da Coruña, polo que se somete a información pública a solicitude de outorgamento da autorización administrativa previa e de construción e de declaración de utilidade pública, en concreto, dunha instalación de distribución de enerxía eléctrica no concello da Coruña (expediente IN407A 2024/134-1).

Expediente: IN407A 2024/134-1.

Solicitante/promotora: UFD Distribución Electricidad, S.A.

Denominación: Regulamentación LMT SBN717B substitución dos apoios AEBIU90D//18-2 e AEC7BIKE//18-3-CT.

Concello: A Coruña.

1. Características técnicas:

Desmantelamento e substitución do actual CT predio Bernardino-15ABG0 por novo CTI 100 kVA/15 kV, para instalar no novo apoio C-14/2000 proxectado na parcela con referencia catastral 15900A007009390000YB.

Substitución dos apoios existentes AEBIU90D//18-2 e AEC7BIKE//18-3-CT da LMT SBN717B por novos apoios tipo celosía C-18/2000 e C-14/2000, respectivamente.

Tendido de novo van de 55 m de lonxitude en condutor LA-56 entre os apoios proxectados e retensado de actual condutor LA-30.

Cambio de localización de XS ao apoio AEAFG46J//18-1 existente.

2. Lexislación de aplicación:

• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

• Lei 40/2015, do 1 de outubro, do réxime xurídico do sector público (BOE núm. 236, do 2 de outubro).

• Lei 24/2013, do 26 de decembro, do sector eléctrico (BOE núm. 310, do 27 de decembro).

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

• Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).

• Lei do 16 de decembro de 1954, sobre expropiación forzosa (BOE núm. 351, do 17 de decembro).

• Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará á disposición das persoas interesadas nas dependencias da Sección de Enerxía do Departamento Territorial da Consellería de Economía e Industria da Coruña (rúa Vicente Ferrer, núm. 2-2º andar, 15071 A Coruña), entre as 9.00 e as 14.00 horas, de luns a venres, así como no taboleiro de anuncios do concello. Ademais, poderá consultarse no Portal de transparencia e goberno aberto desta consellería:

https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte

Isto faise público para coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos. Poderán examinar a documentación técnica e, se é o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da derradeira publicación deste acordo.

A Coruña, 12 de xuño de 2025

Isidoro Martínez Arca
Director territorial da Coruña

ANEXO

Relación de bens e dereitos afectados

Termo municipal da Coruña. Expediente IN407A 2024/134-1

Nº predio	Lugar. Referencia catastral	Cultivo	Propietario	Afección de solo en pleno dominio		Afección de solo por servidume de paso de enerxía eléctrica
Nº predio	Lugar. Referencia catastral	Cultivo	Propietario	Apoio nº/CT	m2	ml aér.	ml sot.	m2 aér.	m2 sot.
2	Aguieiro. 15900A007011010000YI	Rústico Agrario	Descoñecido	1	2.0	20.0		320.57
3	Aguieiro. 15900A007009390000YB	Rústico Agrario	Descoñecido	1 apoio + 1 CTI	2.0	34.0		475.44

Abreviacións:

ml aér.: lonxitude da servidume aérea en metros lineais. ml sot.: lonxitude da servidume soterrada en metros lineais.

m2 aér.: superficie de servidume aérea en m2. m2 sot.: superficie de servidume soterrada.