O que subscribe, José Luis Vázquez Simal, veciño do lugar de Vilar, parroquia de San Martiño de Figueroa, concello de Cerdedo-Cotobade, mediante este anuncio convoco á asemblea xeral todos os usuarios de augas, co fin de constituírse en Comunidade de Usuarios segundo a lexislación de augas vixente e solicitar a correspondente concesión administrativa.

A asemblea terá lugar o sábado 9 de agosto de 2025, na Casa do Pobo, ás 11.00 horas (primeira convocatoria) e ás 11.30 horas (segunda convocatoria), coa seguinte orde do día:

1. Elaboración dunha relación nominal de usuarios (nome, DNI, dirección vivenda, referencia catastral, etc.) para constituírse en Comunidade de Usuarios e solicitar a concesión administrativa, así como elixir o nome e domicilio da comunidade.

2. Aprobar as bases ás que, dentro da lexislación vixente, terán que axustarse os proxectos de ordenanzas e regulamentos polos cales se rexerá a Comunidade.

3. Designación dos membros que integrarán a Xunta de Goberno, encargada da dirección da Comunidade e da redacción das ordenanzas e regulamentos.

4. Rogos e preguntas.

Cerdedo-Cotobade, 20 de xuño de 2025

José Luis Vázquez Simal
Representante da Comunidade de Usuarios de Vilar de Figueroa