Expediente: IN407A 2023/440-1.

Solicitante/promotor: UFD Distribución Electricidad, S.A.

Denominación: reforma LMT CRN708 entre apoio ARCDPK6P//62 e ARMT6UQG//78.

Concello: Valdoviño.

1. Características técnicas:

Realización das seguintes modificacións na LMT CRN708A de 15 kV:

• Modificación na liña de media tensión aérea (LMTA) existente entre os apoios ARCDPK6P//62 (A no proxecto) e ARFRP7kB//68 (B no proxecto) consistente na substitución do condutor existente por LA-110 (443 m) e a substitución de 3 apoios existentes, mantendo a traza actual da liña.

• Modificación na liña de media tensión aérea (LMTA) existente entre os apoios ARFRP7kB//68 (B no proxecto) e ARJU64IH//75 (D no proxecto) mediante o seu soterramento. O novo tramo de liña ten as seguintes características: liña de media tensión soterrada, coa súa orixe nun paso de aéreo a soterrado (PAS) para realizar no apoio ARFRP7kB//68 (B no proxecto) e final noutro PAS para realizar no apoio ARJU64IH//75 (D no proxecto) despois de facer entrada e saída no CT proxectado, en condutor RHZ1-2OL 12/20 kV 3x(1x240) Al e de 1047 m de lonxitude. O tramo de LMTA existente desmantélase.

• Modificación na LMTA existente entre os apoios ARJU64IH//75 (D no proxecto) e ARMT6UQG//78 (E no proxecto) consistente na substitución do condutor existente por LA-110 (253,2 m) e a substitución dun apoio existente, mantendo a traza actual da liña.

• Substitución do centro de transformación San Bartolomé (15CIA9) de 160 kVA, por un novo CT de superficie, compacto de manobra exterior, con configuración de celas 2L+1P (illamento SF6), 250 kVA e relación de transformación 15/0,4 kV. O actual CT San Bartolomé será desmantelado.

2. Lexislación de aplicación:

• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

• Lei 40/2015, do 1 de outubro, do réxime xurídico do sector público (BOE núm. 236, do 2 de outubro).

• Lei 24/2013, do 26 de decembro, do sector eléctrico (BOE núm. 310, do 27 de decembro).

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

• Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo).

• Lei do 16 de decembro de 1954, sobre expropiación forzosa (BOE núm. 351, do 17 de decembro).

• Decreto do 26 de abril de 1957 polo que se aproba o regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará á disposición das persoas interesadas nas dependencias da Sección de Enerxía do Departamento Territorial da Consellería de Economía e Industria da Coruña (rúa Vicente Ferrer, núm. 2, 2º andar, 15071 A Coruña), das 9.00 ás 14.00 horas, de luns a venres, así como no taboleiro de anuncios do concello. Ademais, poderá consultarse no Portal de transparencia e goberno aberto desta consellería:

https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte

Isto faise público para coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos. Poderán examinar a documentación técnica e, se é o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da última publicación deste acordo.

A Coruña, 26 de xuño de 2025

Isidoro Martínez Arca
Director territorial da Coruña

ANEXO

Relación de bens e dereitos afectados. Concello de Valdoviño

Nº predio	Lugar/ref. catastral	Cultivo	Propietario/a	Afección de solo en pleno dominio		Afección de solo por servidume de paso de enerxía eléctrica
Apoio nº	m2	ml aér.	ml sot.	m2 aér.	m2 sot.
1	Carballeira 15088A503009310000GE	Rústico. Agrario. Prados/pradarías	Ángel Manuel Díaz Vogo			77.0		1.231.0
5	Carballeira 15088A503009220000GK	Rústico. Agrario. Prados/pradarías	Antonio Yáñez Lamela	1	2.0	24.0		389.0
6	Carballeira 15088A503009210000GO	Rústico. Agrario. Prados/pradarías	Antonio Yáñez Lamela			22.0		677.0
8	Monete 15088A503009200000GM	Rústico. Agrario. Prados/pradarías	María del Carmen Beceiro Regueira			0.0		118.0
10	Monete 15088A503009110000GG	Rústico. Agrario. Prados/pradarías	Patricia Lagoa Fraga Víctor García Carneiro			66.0		1.060.0
12	Preitela 15088A503004480000GJ	Rústico. Agrario. Prados/pradarías	Herdeiros de Enrique López Yáñez	4	2.0	4.0	3,3	68.0	9
16	Preitela 15088A503004700000GL	Rústico. Agrario. Prados/pradarías	Bernabé López Casteleiro			0.0		5.0
17	Barreiro 15088A503004710000GT	Rústico. Agrario. Prados/pradarías	María Élida Funcasta Méndez			0.0		38.0

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m2 aér.: superficie de servidume aérea en m2.

m2 sot.: superficie de servidume soterrada.