O 11 de outubro de 2024, o Departamento Territorial de Lugo ditou resolución pola que se outorgan á empresa Barras Eléctricas Galaico-Asturianas, S.A. as autorizacións administrativas previas e de construción, e se recoñece, en concreto, a utilidade pública, da instalación eléctrica denominada peche anel LMT 20 kV Muras_2 (SE_Sete_Pontes) con LMT 20 kV Tronceda (SE_Sete_Pontes) CT Bodán (CD_6620)-CT Palleiro (CD_10422), no concello de Vilalba.

Esta declaración de utilidade pública, segundo o disposto no artigo 54 da Lei 24/2013, do 26 de decembro, do sector eléctrico, implica a necesidade de ocupación dos bens ou de adquisición dos dereitos afectados e a súa urxente ocupación, para os efectos do artigo 52 da Lei de expropiación forzosa, do 16 de decembro de 1954.

De acordo co anterior, este departamento territorial, en cumprimento do disposto no artigo 52 da Lei de expropiación forzosa, resolve convocar a todas as persoas afectadas coas que non se chegou a un acordo, incluídas na relación de bens e dereitos que se insire como anexo a este acordo e que se expón tamén no taboleiro de anuncios do Concello de Vilalba, deducida da que se someteu a información pública no diario El Progreso do 18 de outubro de 2024 e no Diario Oficial de Galicia do 23 de outubro de 2024, para que comparezan o día 1 de outubro de 2025, no Concello de Vilalba, sinalado como punto de reunión para, de conformidade co procedemento que se establece no citado artigo, levar a cabo o levantamento das actas previas á ocupación.

Desta convocatoria darase traslado aos interesados mediante a oportuna citación individual, na cal se sinalarán día e hora para o levantamento das actas previas. Así mesmo, no taboleiro de anuncios do Concello de Vilalba estará exposta a data do levantamento das actas. Todos os interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por unha persoa debidamente autorizada, achegando os documentos acreditativos da súa titularidade, e poderán ir acompañados dos seus peritos e dun notario pola súa conta (artigo 52.3 da Lei de expropiación forzosa).

Así mesmo, advírtese a todos os interesados que poderán formular alegacións por escrito neste departamento territorial (rolda da Muralla, 70, Lugo) ata o momento do levantamento das actas previas, para os únicos efectos de corrixir os posibles erros cometidos na relación de bens e dereitos afectados (artigo 56.2 do regulamento da Lei de expropiación forzosa).

Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), cando os titulares dos predios propostos sexan descoñecidos, non se saiba o lugar de notificación, ou ben, tentada a notificación, non se puidese realizar (sen prexuízo da correspondente publicación no BOE), e así dirixirlle ao Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Lugo, 11 de xullo de 2025

Gustavo J. Casasola de Cabo
Director territorial de Lugo

ANEXO

Núm. predio	Pol.	Parc.	Lugar	Cultivo	Propietario/a	Data actas	Hora
24	25	1426	Vilar da Raña	Monte alto Prado	María Remedios Pérez López	1.10.2025	10.00
43	25	902	Porto da Loba	Monte alto Prado	José Castro Cinza	1.10.2025	10.00
47	25	885	Porto da Loba	Prado	Moisés Rouco Pérez	1.10.2025	10.00
55	25	1495	Grazán	Monte alto	Herdeiros de Dositeo Yáñez Cillero, representante Ángel Yáñez Villares	1.10.2025	11.00
58	25	874	Grazán	Monte alto	Irene Villares Paz	1.10.2025	11.00
62	25	290	Rodas	Monte alto	María del Pilar Díaz Castro	1.10.2025	11.00
65	25	288	Rodas	Monte alto Prado	Herdeiros de Antonio Fernando Yáñez Fraga	1.10.2025	12.00
68	25	1469	Palleiro	Monte alto Prado	Herdeiros de Dositeo Yáñez Cillero, representante Ángel Yáñez Villares	1.10.2025	12.00
72	25	171	Reguengo	Monte alto Prado	Irene Villares Paz	1.10.2025	11.00
73	25	172	Reguengo	Prado	Eugenia Rego Villares	1.10.2025	12.00
74	24	244	Boaro	Prado	José Pico González	1.10.2025	12.00