DOG 141 do 24/7/2025 - RESOLUCIÓN do 15 de xullo de 2025, da Dirección Xeral de Comercio e Consumo, pola que se dá publicidade do esgotamento de crédito da Orde do 30 de xaneiro de 2025 pola que se establecen as bases reguladoras para a concesión, en réxime de concorrencia non competitiva, de subvencións para o impulso da innovación e sustentabilidade do comercio local e artesanal, e se procede á súa convocatoria para o ano 2025 (código de procedemento CO300C).

III. Outras disposicións

Consellería de Emprego, Comercio e Emigración

RESOLUCIÓN do 15 de xullo de 2025, da Dirección Xeral de Comercio e Consumo, pola que se dá publicidade do esgotamento de crédito da Orde do 30 de xaneiro de 2025 pola que se establecen as bases reguladoras para a concesión, en réxime de concorrencia non competitiva, de subvencións para o impulso da innovación e sustentabilidade do comercio local e artesanal, e se procede á súa convocatoria para o ano 2025 (código de procedemento CO300C).

Primeiro. A Orde do 30 de xaneiro de 2025, da Consellería de Emprego, Comercio e Emigración (DOG núm. 31, do 14 de febreiro), establece as bases reguladoras para a concesión, en réxime de concorrencia non competitiva, de subvencións para o impulso da innovación e sustentabilidade do comercio local e artesanal, e procede á súa convocatoria para o ano 2025 (código de procedemento CO300C).

Segundo. O artigo 1.2 da orde de convocatoria establece que a xestión destas subvencións se realizará polo procedemento de concorrencia non competitiva ata o esgotamento do crédito.

Pola súa parte, o artigo 10 das bases reguladoras (anexo I da Orde do 30 de xaneiro de 2025) dispón que a subvención se concederá en actos sucesivos, ata o esgotamento do crédito, a todas aquelas entidades beneficiarias que cumpran os requisitos.

Terceiro. O artigo 1.3 da orde de convocatoria dispón que para a concesión destas subvencións se destinará un crédito de 3.900.000 €, imputado da seguinte forma:

Aplicación orzamentaria (código de proxecto)	Importe (€)	Beneficiarios/as
14.06.751A.770.1 (2015 00254)	2.900.000,00	Artigo 3.1 e 3.2
14.06.751A.770.1 (2024 00033)	1.000.000,00	Artigo 3.1 e 3.2

Cuarto. Unha vez revisadas e ordenadas todas as solicitudes presentadas, a última solicitude que se puido conceder, tendo en conta a data e hora en que se presentou correctamente toda a documentación na sede electrónica da Xunta de Galicia, foi a presentada o día 6 de maio de 2025, ás 10.12 horas, correspondente ao expediente número CO300C-2025-00000697-00.

De conformidade co exposto, unha vez esgotados os recursos económicos previstos no artigo 1.3 da convocatoria da Orde do 30 de xaneiro de 2025, e por delegación do conselleiro de Emprego, Comercio e Emigración,

RESOLVO:

Ordenar a publicación no Diario Oficial de Galicia do esgotamento do crédito con cargo á aplicación orzamentaria 14.06.751A.770.1 (códigos de proxecto 2015 00254 e 2024 00033), ao abeiro da Orde do 30 de xaneiro de 2025 pola que se establecen as bases reguladoras para a concesión, en réxime de concorrencia non competitiva, de subvencións para o impulso da innovación e sustentabilidade do comercio local e artesanal, e se procede á. súa convocatoria para o ano 2025 (código de procedemento CO300C).

Santiago de Compostela, 15 de xullo de 2025

Gabriel Alén Castro
Director xeral de Comercio e Consumo