DOG 150 do 7/8/2025 - ANUNCIO do 22 de xullo de 2025, do Departamento Territorial de Pontevedra, polo que se comunica a consignación dos depósitos dos prezos xustos dos bens e dereitos afectados pola execución do proxecto de Substitución do apoio 65 da LAT 66 kV DC Lourizán Cangas II.

VI. Anuncios

a) Administración autonómica

Consellería de Economía e Industria

ANUNCIO do 22 de xullo de 2025, do Departamento Territorial de Pontevedra, polo que se comunica a consignación dos depósitos dos prezos xustos dos bens e dereitos afectados pola execución do proxecto de Substitución do apoio 65 da LAT 66 kV DC Lourizán Cangas II.

Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar …», mediante este anuncio a persoa afectada pola expropiación é informada da consignación do depósito do prezo xusto dos bens e dereitos afectados pola instalación eléctrica denominada Substitución do apoio 65 da LAT 66 kV DC Lourizán Cangas II que figura no cadro anexo.

A persoa interesada poderá solicitar o levantamento do depósito ante o Servizo de Coordinación Industrial da Dirección Territorial da Consellería de Economía e Industria de Vigo. Na solicitude deberá achegar unha copia do seu DNI e un certificado da conta bancaria que acredite que figura como titular da conta en que se ingresará o depósito.

Vigo, 22 de xullo de 2025

Beatriz López del Olmo
Directora territorial de Pontevedra

ANEXO

Expediente: IN407A 2023/326-4.

Entidade beneficiaria: UFD Distribución Electricidad, S.A.

Denominación da instalación: Substitución do apoio 65 da LAT 66 kV DC Lourizán Cangas II.

Concello: Bueu.

Predio	Referencia catastral	Titular	Depósito prezo xusto
1	36004A036005880000QS	Descoñecido/a	2025/54/311