En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: ENCE Energía y Celulosa, S.A.

Expediente: DH.A36.103169.

Caudal máximo instantáneo: 3.500 m3/hora.

Destino: outros usos: produción e subministración de augas rexeneradas.

Orixe: EDARU dos Praceres, na parcela con ref. catastral 6249501NG2964N0001QM.

Lugar: As Cocheiras.

Parroquia: Lourizán.

Concello: Pontevedra.

Descrición:

Preténdese captar auga depurada da EDARU e conducila á parcela adxacente, 7057001NG2975N0001SZ, para o seu tratamento na futura planta rexeneradora.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa San Salvador, 2, 4º, 36240 Vigo (Pontevedra).

As persoas interesadas poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 1 de agosto de 2025

Susana Pérez González
Xefa do Servizo Territorial da Zona Hidrográfica de Galicia Sur