No Diario Oficial de Galicia núm. 47, do 10 de marzo de 2025, publícase a Orde do 24 de febreiro de 2025 pola que se establecen as bases reguladoras para a concesión, en réxime de concorrencia competitiva, de subvencións a entidades locais de Galicia, para o equipamento e mellora das instalacións e locais utilizados para a realización de actividades culturais, e se procede á súa convocatoria para o ano 2025 (código de procedemento CT211B).

O procedemento de concesión das subvencións será en réxime de concorrencia competitiva e conforme os principios de publicidade, transparencia, igualdade e non discriminación.

De conformidade coa disposición adicional primeira, apróbase a delegación de atribucións da persoa titular da Consellería de Cultura, Lingua e Xuventude na persoa titular da Dirección Xeral de Cultura para resolver a concesión, a denegación, a modificación ou outras incidencias das axudas previstas nesta orde.

De conformidade co establecido no artigo 15.1 da Lei 9/2007, do 13 de xuño, de subvencións de Galicia, e no artigo 17 da Lei 1/2016, do 18 de xaneiro, de transparencia e bo goberno, os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e o crédito orzamentario a que se imputen, o beneficiario, a cantidade concedida e a finalidade ou finalidades da subvención.

Así mesmo, segundo o artigo 16 da orde de convocatoria, esta resolución notificarase aos interesados consonte o artigo 17 da orde e publicarase no Diario Oficial de Galicia e na páxina web oficial da Consellería de Cultura, Lingua e Xuventude, https://www.cultura.gal

Segundo o artigo 16 da orde, o órgano competente para resolver é a persoa titular da Dirección Xeral de Cultura, por delegación da persoa titular da Consellería de Cultura, Lingua e Xuventude e por proposta do órgano instrutor, segundo o previsto no artigo 15.

En consecuencia,

RESOLVO:

Primeiro. Ordenar a publicación no Diario Oficial de Galicia do contido íntegro da Resolución do 28 de xullo de 2025, ao abeiro da Orde de 24 de febreiro de 2025 pola que se establecen as bases reguladoras para a concesión, en réxime de concorrencia competitiva, de subvencións a entidades locais de Galicia, para o equipamento e mellora das instalacións e locais utilizados para a realización de actividades culturais, e se procede á súa convocatoria para o ano 2025 (código de procedemento CT211B).

A suma total das axudas concedidas ascende a 500.000,00 € con cargo á aplicación orzamentaria 13.03.432B.760.0 dos orzamentos xerais da Comunidade Autónoma de Galicia para o ano 2025.

Segundo. As entidades subvencionadas a que fai referencia esta resolución deberán acreditar a documentación xustificativa dos proxectos subvencionados antes do 30 de novembro do ano 2025, de acordo co establecido no artigo 22.1 da orde de convocatoria.

Terceiro. As solicitudes non incluídas nesta resolución entenderanse denegadas ou desestimadas.

Así mesmo, e conforme o establecido no artigo 20 da orde de convocatoria, as entidades subvencionadas con esta axuda quedarán suxeitas ás obrigas recollidas no artigo 11 da Lei 9/2007, do 13 de xuño, de subvencións de Galicia.

Cuarto. Notificarlles ás persoas interesadas esta resolución, de acordo co disposto no artigo 40 da Lei 39/2015, do 1 de outubro, do procedemento administrativo común das administracións públicas.

Contra a resolución de concesión poderá interpoñerse recurso de reposición ante o mesmo órgano que ditou o acto, no prazo dun mes desde a súa notificación, de acordo co disposto no artigo 123 da Lei 39/2015, do 1 de outubro, do procedemento administrativo común das administracións públicas, ou directamente recurso contencioso-administrativo ante o Tribunal Superior de Xustiza de Galicia, no prazo de dous meses contado desde o día seguinte ao da súa notificación, de conformidade co establecido na Lei 29/1998, reguladora da xurisdición contencioso-administrativa. No caso de optar polo recurso de reposición, non se poderá interpoñer recurso contencioso-administrativo ata que sexa resolto o recurso de reposición.

Santiago de Compostela, 1 de agosto de 2025

Anxo Manuel Lorenzo Suárez
Director xeral de Cultura

ANEXO

Resolución do 28 de xullo de 2025 pola que se conceden as subvencións a entidades locais de Galicia para o equipamento e mellora das instalacións e locais utilizados para a realización de actividades culturais no ano 2025 (código de procedemento CT211B)

Logo de ver as solicitudes de subvencións destinadas ao equipamento e mellora das instalacións e locais utilizados para a realización de actividades culturais polas entidades locais de Galicia e tendo en conta o cumprimento dos requisitos e trámites establecidos na Lei 9/2007, do 13 de xuño, de subvencións de Galicia; na Lei de réxime financeiro e orzamentario de Galicia, texto refundido aprobado polo Decreto lexislativo 1/1999, do 7 de outubro; no Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia; no Decreto 193/2011, do 6 de outubro, polo que se regulan especialidades nas subvencións ás entidades locais galegas, e na Lei 38/2003, do 17 de decembro, xeral de subvencións.

Tras finalizar a tramitación establecida nos artigos 9, 10, 11 e 12 da orde de convocatoria para as solicitudes presentadas, realizouse o procedemento de exame e valoración destas, consonte os criterios establecidos no artigo 14 da orde de convocatoria.

A persoa titular da Dirección Xeral de Cultura, por delegación do conselleiro de Cultura, Lingua e Xuventude e logo da elevación da proposta de resolución definitiva polo órgano instrutor, ditará a resolución de concesión, debidamente motivada, de acordo co disposto no artigo 34 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia. Na resolución constará a identificación das entidades beneficiarias, o proxecto subvencionado e o importe subvencionado.

Os proxectos subvencionados ordenaranse por rigorosa orde de incoación dos expedientes.

En consecuencia, e atendendo á proposta de resolución definitiva elevada polo órgano instrutor a partir do informe da Comisión de Valoración creada ao abeiro do artigo 13 da orde de convocatoria,

RESOLVE:

Conceder as axudas sinaladas no anexo I ás entidades locais de Galicia para o equipamento e mellora das instalacións e locais utilizados para a realización de actividades culturais, por importe de 500.000,00 €, con cargo á aplicación orzamentaria 13.03.432B.760.0 dos orzamentos xerais da Comunidade Autónoma de Galicia para o ano 2025

As entidades subvencionadas a que fai referencia esta resolución deberán acreditar a documentación xustificativa dos proxectos subvencionados antes do 30 de novembro do ano 2025, de acordo co establecido no artigo 22.1 da orde de convocatoria.

As solicitudes non incluídas nesta resolución entenderanse denegadas ou desestimadas.

Notificaralles ás persoas interesadas esta resolución, de acordo co disposto no artigo 40 da Lei 39/2015, do 1 de outubro, do procedemento administrativo común das administracións públicas.

Contra esta resolución poderá interpoñerse recurso de reposición ante o mesmo órgano que ditou o acto, no prazo dun mes desde a súa notificación, de acordo co disposto no artigo 123 da Lei 39/2015, do 1 de outubro, do procedemento administrativo común das administracións públicas, ou directamente recurso contencioso-administrativo ante o Tribunal Superior de Xustiza de Galicia, no prazo de dous meses contado desde o día seguinte ao da súa notificación, de conformidade co establecido na Lei 29/1998, reguladora da xurisdición contencioso-administrativa. No caso de optar polo recurso de reposición, non se poderá interpoñer recurso contencioso-administrativo ata que sexa resolto o recurso de reposición.

Santiago de Compostela, 28 de xullo de 2025. O conselleiro de Cultura Lingua e Xuventude. P.D. (disposición adicional primeira da Orde do 24 de febreiro de 2025). Anxo Manuel Lorenzo Suárez, director xeral de Cultura.

ANEXO I

Núm.	Entidade	Proxecto	Importe
0006	Concello de Ourol	Mellora da accesibilidade no centro social-cultural de Ourol	19.000 €
0007	Concello de Monterroso	Mellora de tecnolóxicas e equipamentos na biblioteca pública municipal	1.500 €
0010	Concello de Muxía	Mellora nas instalacións da biblioteca pública municipal	22.500 €
0012	Concello de Valga	Medidas de seguridade e protección contra incendios, e equipamentos BPM	15.000 €
0019	Concello de Arteixo	Instalación-substitución de estores para protección da documentación da BPM	3.500 €
0022	Concello de Trazo	Supresión de barreiras arquitectónicas no local social de Viaño Pequeno	5.000 €
0023	Concello de Ferrol	Mellora do acondicionamento acústico da planta baixa da biblioteca pública municipal	12.500 €
0024	Concello de Ames	Equipamento para o Pazo da Peregrina de Bertamiráns	8.000 €
0026	Concello de Brión	Mellora do centro social polivalente para actividades culturais	9.500 €
0035	Concello de Mañón	Equipamento para a biblioteca pública municipal	4.000 €
0037	Concello do Carballiño	Investimento en medidas seguridade do auditorio	10.000 €
0038	Concello de Ponte Caldelas	Equipamento para a biblioteca pública municipal	3.300 €
0046	Concello de Santiso	Mellora de enerxética de novo local cultural no antigo CEIP de Visantoña	25.500 €
0047	Concello de Beade	Rehabilitación de centro para uso cultural no anexo do pavillón municipal	24.500 €
0053	Concello de Bande	Equipamento xeral do salón de actos cultura	14.000 €
0057	Concello de Fene	Mellora de equipamento da biblioteca pública municipal	2.400 €
0063	Concello do Porriño	Proxecto de mellora de accesibilidade e eficiencia no centro cívico	25.000 €
0064	Concello das Somozas	Acondicionamento acústico do salón de actos do centro cívico sociocultural	8.000 €
0065	Concello de Miño	Mellora das condicións de equipamentos e técnicas do Centro Social A Rúa (BPM)	1.500 €
0066	Concello de Maceda	Acondicionamento da biblioteca municipal	9.100 €
0067	Concello de Trabada	Mellora da accesibilidade e renovación do local social na parroquia de Sante	12.000 €
0068	Concello de Cee	Adquisición de bucle magnético e divisores do auditorio da casa da cultura	6.000 €
0069	Concello de Oza–Cesuras	Adquisición de equipamento para o Museo da Fonte	11.000 €
0071	Concello de Cerdedo-Cotobade	Equipamento xeral do auditorio e biblioteca municipal sitos na casa da cultura	20.000 €
0072	Concello de Ortigueira	Mellora de equipamento da biblioteca pública municipal	4.000 €
0074	Concello de Cervo	Mellora de eficiencia enerxética funcionamento de local cultural na antiga escola Rúa	11.900 €
0078	Concello de Trasmiras	Acondicionamento escola de música casa da cultura	8.400 €
0079	Concello de Vila de Cruces	Medidas de prevención e protección contra incendios en local sociocultural	11.000 €
0080	Concello de Carnota	Mellora das instalacións da axencia de lectura municipal	11.500 €
0082	Concello de Noia	Pano cortalumes e actuación prevención de incendios no teatro Coliseo Noela	11.000 €
0091	Concello de Ribas de Sil	Mellora dos locais culturais do xeoparque	12.500 €
0097	Concello de Corcubión	Mellora da eficiencia enerxética na casa da cultura	27.000 €
0102	Concello de Burela	Adquisición de mobiliario para a biblioteca municipal	17.100 €
0104	Concello de Antas de Ulla	Eficiencia enerxética para novas aulas de lectura na antiga casa do conserxe anexa á casa da cultura	20.000 €
0106	Concello de Santa Comba	Equipamento para a biblioteca pública municipal	2.900 €
0110	Concello da Laracha	Mellora accesibilidade para a casa da cultura	10.000 €
0112	Concello de Chantada	Renovación do sistema de calefacción na casa da cultura (BPM)	30.000 €
0119	Concello de Ordes	Equipamento da biblioteca pública municipal	1.900 €
0124	Concello de Xermade	Mellora da fachada posterior da biblioteca pública municipal	6.500 €
0125	Concello de Melide	Subministración e instalación de equipamento escénico no Centro Sociocultural Mingos de Pita	8.500 €
0128	Concello de Outeiro de Rei	Mellora de accesibilidade e eficiencia enerxética no centro cultural municipal	10.000 €
0130	Concello de Zas	Equipamento cultural para o Auditorio de Baio	5.500 €
0139	Concello de Beariz	Equipamento informático na Biblioteca Pública Municipal de Beariz	2.500 €
0140	Concello de Foz	Modernización e mellora da Biblioteca Pública Salgado Toimil	15.000 €