De conformidade cos artigos 44 e 46.1 da Lei 39/2015, do 1 de outubro, do procedemento administrativo común das administracións públicas, intentouse sen efecto a notificación do acto que se indica por causas non imputables á Administración.

Ao non ser posible efectuar a comunicación a que se refire o número 2 do artigo 22 da Lei 3/2007, do 9 de abril, de prevención e defensa contra os incendios forestais de Galicia, ás persoas titulares das parcelas que se relacionan a continuación, por causas non imputables a esta Administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, faise pública a comunicación de xestión da biomasa.

Acto para notificar	Ref. catastral Polígono/parcela	Localización	Interesado/a Persoa responsable
Orde de execución (exp. 1469-2025) Resolución de inicio O.E. do 29.7.2025	36043A050007010000JP (polígono 50, parcela 701)	Sobreiro-Xustáns Ponte Caldelas	Benito Souto Sabajanes
Orde de execución (exp. 1471-2025) Resolución de inicio O.E. do 29.7.2025	36043A050006770000JK  (polígono 50, parcela 677)	Sobreiro-Xustáns Ponte Caldelas	Celso Diz Sabajanes
Orde de execución (exp. 1472-2025) Resolución de inicio O.E. do 29.7.2025	36043A050006760000JO  (polígono 50, parcela 676)	Sobreiro-Xustáns Ponte Caldelas	José Souto Lusquiños
Orde de execución (exp. 1473-2025) Resolución de inicio O.E. do 29.7.2025	36043A021002220000JO  (polígono 21, parcela 222)	Sobreiro-Xustáns Ponte Caldelas	María Diz Diz
Orde de execución (exp. 1438-2025) Resolución de inicio O.E. do 28.7.2025	36043A049002290000JA -36043A049002290001KS  (polígono 49, parcela 229)	Chan do Casal-Xustáns Ponte Caldelas	Daniel Tourón Tourón
Orde de execución (exp. 1491-2025) Resolución de inicio O.E. do 29.7.2025	36043A008002260000JO   (polígono 8, parcela 226)	Forzáns Ponte Caldelas	En investigación

En virtude do que antecede, comunícaselles que nas referidas parcelas se incumpre o establecido no artigo 21 da Lei 3/2007. Polo tanto, dispoñen dun prazo máximo de 15 días naturais para o cumprimento voluntario de xestión da biomasa na parcela citada, que se iniciará o día seguinte ao da recepción desta notificación.

Publícase o presente anuncio no Diario Oficial de Galicia (DOG) para que lles sirva de notificación ás persoas interesadas, para cuxo fin se lles comunica que tanto a notificación como o expediente se encontran á súa disposición no Concello de Ponte Caldelas (avenida de Galicia, 17, 36820 Ponte Caldelas, Pontevedra). Igualmente, poderán acceder a través da sede electrónica desta entidade.

Considerando que o artigo 22.3 da Lei 3/2007, do 9 de abril, de prevención e defensa contra os incendios forestais de Galicia, establece que cando non se poida determinar a identidade da persoa responsable da xestión da biomasa vexetal e retirada de especies arbóreas prohibidas, ou resultase infructuosa a notificación da comunicación, se efectuará mediante un anuncio no Boletín Oficial del Estado e no Diario Oficial de Galicia dos datos catastrais da parcela.

Considerando que o artigo 22.4 da Lei 3/2007, do 9 de abril, de prevención e defensa contra os incendios forestais de Galicia, lle posibilita a este concello a execución subsidiaria no caso de incumprimento dos traballos de xestión de biomasa, coa repercusión dos custos ás persoas responsables.

Considerando que o artigo 22.6 da Lei 3/2007, do 9 de abril, de prevención e defensa contra os incendios forestais de Galicia, establece a obriga das persoas responsables de facilitar os accesos necesarios ás entidades responsables dos traballos de xestión da biomasa, que non requirirán de ningunha autorización para a execución subsidiaria da xestión da biomasa nas redes de faixas de xestión.

Ponte Caldelas, 30 de xullo de 2025

Andrés Díaz Sobral
Alcalde presidente