O Pleno do Concello, na sesión ordinaria que tivo lugar o 11 de xullo de 2025, adoptou, entre outros, o seguinte acordo:

Primeiro. Aprobar o informe municipal do 8.5.2025, co CSV 6G4Y2F270W0N6A691D5P, de contestación á alegación emitida por un particular, durante o prazo de información pública posterior á aprobación inicial do documento do estudo de detalle, e notificar este informe á persoa que presentou a alegación.

Segundo. Aprobar definitivamente o documento denominado Estudo de detalle do rueiro Z4-R3L, zona Z4, rueiro R3, SURT 1 San Pedro de Visma. 15191 A Coruña. Maio 2025, promovido por Metrovacesa, S.A., e asinado polos arquitectos Álvaro Pedro Romero Gil-Delgado e Hugo Romero Novás, cos números de colexiados do COAG 979 e 4.654, respectivamente.

Terceiro. Ordenar a realización dos trámites administrativos recollidos nos artigos 82 e 88 da Lei 2/2016, do 10 de febreiro, do solo de Galicia, e concordantes do Regulamento de desenvolvemento desta lei, para procurar a eficacia do acto de aprobación definitiva e a entrada en vigor do estudo de detalle.

Cuarto. Notificar este acordo ao promotor do documento, as persoas interesadas no procedemento e ás áreas municipais interesadas na tramitación do expediente.

O contido íntegro do estudo de detalle aprobado pódese consultar fisicamente nas dependencias da Área Municipal de Urbanismo; e de forma dixital na sede electrónica deste concello, na páxina web https://www.coruna.gal/urbanismo, na epígrafe «planeamento/planeamento vixente»; ou ben, desde a mesma páxina web, a través do visor «desenvolvemento do planeamento».

Contra este acordo, con natureza de disposición administrativa de carácter xeral, pódese interpoñer directamente recurso contencioso-administrativo perante a sala correspondente do Tribunal Superior de Xustiza de Galicia (artigo 84.1 da Lei 2/2016, do 10 de febreiro, do solo de Galicia, e artigo 201.1 do seu regulamento), no prazo máximo de dous meses que se contarán a partir do día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme a dereito.

A Coruña, 16 de xullo de 2025

A alcaldesa
P.D. (Decreto 3531/2024, do 19 de xuño; BOP núm. 123, do 27 de xuño)
Francisco Dinís Díaz Gallego
Concelleiro delegado responsable da Área de Urbanismo, Rehabilitación e Vivenda