Conforme o previsto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícaselle á persoa que se relaciona no anexo a resolución ditada pola persoa titular do Departamento Territorial da Coruña no expediente sancionador número XC-00749-O-2025, por infracción da normativa sobre transporte terrestre, ao resultar infrutuosa a súa notificación postal. A eficacia desta notificación queda supeditada á súa publicación no taboleiro de edictos único do Boletín Oficial del Estado.

O texto íntegro da resolución que se notifica, xunto co resto da documentación do expediente, está á disposición das persoas interesadas no Servizo de Mobilidade da Coruña.

Comunicáselles que contra esta resolución, que non é definitiva na vía administrativa, cabe recurso de alzada, ante a directora xeral de Mobilidade da Consellería de Presidencia, Xustiza e Deportes, no prazo dun (1) mes contado desde o día seguinte ao da publicación deste anuncio no BOE.

En caso de conformidade coa resolución sancionadora, a persoa interesada deberá aboar a multa imposta empregando o modelo impreso que se facilitará no Servizo de Mobilidade da Coruña.

No caso de non presentar recurso de alzada e non pagar a sanción imposta, procederase ao seu cobramento pola vía de constrinximento segundo o previsto na normativa vixente.

A Coruña, 26 de agosto de 2025

O xefe do Servizo de Mobilidade da Coruña
P.S. (Resolución do 29.6.2023)
María Aránzazu Díaz Valiño
Xefa da Sección Xurídica I

ANEXO

Expediente Matrícula	DNI/CIF persoa sancionada	Infracción cometida Data-hora-estrada-p.q.	Precepto cualificador	Precepto sancionador	Sanción imposta
XC-00749-O-2025 4950-GSG	03089897P	Non levar a bordo do vehículo a documentación formal que acredite a posibilidade legal de prestar o servizo. 5.9.2024; 9.34; N-550; 37,382	Artigo 199.9 do ROTT Artigo 142.8 da LOTT	Artigo 201.b) do ROTT Artigo 143.1 da LOTT	201 euros