De conformidade co disposto na Lei orgánica 2/2023, do 22 de marzo, do Sistema universitario (BOE do 23 de marzo), en diante, LOSU; no Decreto 266/2002, do 6 de setembro, da Xunta de Galicia, sobre contratación de profesorado universitario (DOG do 17 de setembro); no convenio colectivo para o persoal docente e investigador das universidades da Coruña, Santiago de Compostela e Vigo, e polo establecido nos estatutos da Universidade de Vigo, aprobados polo Decreto 13/2019, do 24 de xaneiro, da Xunta de Galicia (DOG do 22 de febreiro), esta reitoría, en uso das competencias recoñecidas pola LOSU, resolve anunciar as convocatorias dos seguintes concursos públicos:

Referencia: 2024-MG-2-M.

Categoría: profesorado axudante doutor (programa María Goyri).

Número de prazas: 3.

A información completa pode consultarse na sede electrónica da Universidade de Vigo (https://sede.uvigo.gal), así como na páxina electrónica https://secretaria.uvigo.gal/uv/web/ convocatoria/public/index, filtrando por tipo: «Concursos de profesorado» e empregando como palabras chave a referencia. Para máis información e aclaración de dúbidas poden dirixirse ao teléfono 986 81 37 65 (Servizo de Persoal Docente e Investigador).

O prazo de presentación de solicitudes é de vinte (20) días hábiles, contados desde o día seguinte ao da publicación deste anuncio no Diario Oficial de Galicia e débense dirixir ao reitor no modelo oficial, obrigatoriamente acompañadas dos documentos acreditativos previstos nas respectivas convocatorias.

Vigo, 22 de setembro de 2025

Manuel Joaquín Reigosa Roger
Reitor da Universidade de Vigo