A aprobación da modificación da relación de postos de traballo de Administración especial da Administración xeral da Comunidade Autónoma de Galicia resulta da necesidade de dar cumprimento ás obrigas derivadas de ofertas de emprego público e de distintos procesos selectivos de estabilización, así como de garantir que todas as persoas convocadas para a elección de destino con carácter definitivo teñan acceso a un posto clasificado no seu subgrupo de pertenza.

Así mesmo, esta relación de postos de traballo tamén ten por obxecto garantir que as persoas que resultaron adxudicatarias de postos de traballo pola Resolución do 9 de xullo de 2025, da Dirección Xeral de Emprego Público e Administración de Persoal, pola que se resolve o concurso ordinario para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galicia, escalas de enxeñeiros, enxeñeiros técnicos, arquitectos, arquitectos técnicos e ciencias (DOG núm. 132, do 11 de xullo), afectadas por autos do Tribunal Superior de Xustiza de Galicia polo que se establecen medidas cautelares, poidan tomar posesión en postos de iguais características.

O importe dos complementos específicos non inclúe o incremento retributivo publicado o 2 de xullo de 2025 pola Orde PJC/681/2025, do 1 de xullo, pola que se publica o Acordo do Consello de Ministros do 1 de xullo de 2025, polo que se aproba o incremento do 0,5 por cento das retribucións do persoal ao servizo do sector público previsto no artigo 6.2 da Real decreto lei 4/2024, do 26 de xuño, polo que se prorrogan determinadas medidas para afrontar as consecuencias económicas e sociais derivadas dos conflitos en Ucraína e Oriente Próximo e se adoptan medidas urxentes en materia fiscal, enerxética e social.

En consecuencia, consultadas as organizacións sindicais presentes na Mesa de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do 29 de setembro de 2025, adoptou o seguinte acordo:

Primeiro. Aprobar a modificación da relación de postos de traballo de Administración especial da Administración xeral da Comunidade Autónoma de Galicia, nos termos que se sinalan no anexo a este acordo, como consecuencia das súas necesidades funcionais e organizativas actuais.

Segundo. Ordenar a súa publicación no Diario Oficial de Galicia para os efectos da entrada en vigor a partir do día seguinte ao da súa publicación.

Visto o acordo adoptado polo Consello da Xunta de Galicia na súa reunión do 29 de setembro de 2025, relativo á aprobación da modificación da relación de postos de traballo de Administración especial da Administración xeral da Comunidade Autónoma de Galicia, coa finalidade de cumprir o dito acordo, de conformidade coa Orde da Consellería de Facenda do 8 de xaneiro de 2020 sobre delegación de competencias na Dirección Xeral da Función Pública (DOG núm. 16, do 24 de xaneiro), dispoño que se publique no Diario Oficial de Galicia como anexo a esta resolución.

Santiago de Compostela, 29 de setembro de 2025

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal