En cumprimento do disposto no artigo 28 do Regulamento para a execución da Lei 13/1989, do 10 de outubro, de montes veciñais en man común, aprobado polo Decreto 260/1992, do 4 de setembro, e de conformidade co disposto no artigo 45 da Lei 39/2015, do 1 de outubro, do procedemento administrativo común das administracións públicas, faise público que o Xurado Provincial de Clasificación de Montes Veciñais en Man Común de Ourense, en sesión que tivo lugar o 7 de xullo de 2025, adoptou a seguinte resolución:
Examinado o expediente de clasificación como veciñal en man común do monte denominado Foral de Trigás, Larouce e Bagarelas, no concello do Carballiño, resultan os seguintes feitos:
Primeiro. Con data do 10 de febreiro de 2024 tivo entrada no Rexistro da Xefatura Territorial da Consellería do Medio Rural escrito dirixido ao Xurado Provincial de Clasificación de Montes Veciñais en Man Común de Alfonso Manuel Fernández Antúnez e outra persoa, no cal solicitaban a clasificación como veciñal en man común de varias parcelas denominadas Foral de Trigás, Larouce e Bagarelas.
Segundo. Con data do 24 de xaneiro de 2025, o Xurado Provincial acorda iniciar o expediente de clasificación como veciñal en man común do referido monte, designa instrutor e realiza as comunicacións e publicacións ás cales fan referencia os artigos 20, 21 e 23 do Regulamento para a execución da Lei 13/1989, do 10 de outubro, de montes veciñais en man común, aprobado polo Decreto 260/1992, do 4 de setembro, e abre un período dun mes para efectuar as alegacións.
Terceiro. No prazo concedido para a realización de alegacións non consta que se presentase ningunha.
Cuarto. O monte obxecto de clasificación, de acordo coa documentación que consta no expediente, descríbese así:
Nome do monte: Foral de Trigás, Larouce e Bagarelas.
Superficie: 102,59 ha.
Pertenza: veciños/as de Trigás, Larouce e Bagarelas.
Parroquia: Lobás (Santa Ouxea).
Concello: O Carballiño.
Descrición dos predios que constitúen o monte:
Predio único:
|
Parcelas obxecto de clasificación |
Parcelas estremeiras |
|
|
Referencia catastral |
Lindeiros |
Referencia catastral |
|
32020A01500690 32020A01600590 32020A01600701 32020A01600725 32020A01600727 32020A01700013 32020A01700014 32020A01702523 32020A01702525 |
Norte |
(T.M. do Carballiño) 32020A01600589 (T.M. de Piñor) 32062A09400295 32062A09400266 32062A09400267 32062A09400271 32062A09400272 32062A09400273 32062A09400282 32062A09400283 32062A09400284 32062A09400285 32062A09400286 32062A09409002 32062A09400069 32062A09400070 32062A09400071 32062A09400072 32062A09400073 32062A09400010 |
|
Leste |
(T.M. de Piñor) 32062A09400010 (T.M. do Carballiño) 32020A01600274 32020A01600276 32020A01600278 32020A01600280 32020A01600281 |
|
|
32020A01600282 32020A01600284 32020A01600286 32020A01600288 32020A01600291 32020A01600292 32020A01600296 32020A01600298 32020A01600300 32020A01600306 32020A01600310 32020A01600311 32020A01609001 32020A01600359 32020A01600358 32020A01600357 32020A01600361 32020A01600604 32020A01600362 32020A01600381 32020A01600382 32020A01600413 32020A01600410 32020A01600607 32020A01600454 32020A01600606 32020A01600408 32020A01600571 32020A01600581 32020A01600580 32020A01600583 32020A01600587 32020A01600586 32020A01600585 32020A01600582 32020A01600574 32020A01600530 32020A01600700 32020A01600518 32020A01600514 32020A01600517 32020A01600519 32020A01600532 32020A01609002 32020A01709004 32020A01509001 |
||
|
Sur |
32020A01509001 32020A01500689 |
|
|
Oeste |
32020A01500689 32020A01509001 32020A01702524 32020A01709007 32020A01700035 32020A01609007 32020A01600726 32020A01600589 |
|
Os terreos incluídos neste predio constitúen un único couto redondo, segundo a definición que figura no artigo 8 da Lei 7/2012, do 28 de xuño, de montes de Galicia, ben que están atravesados polos camiños correspondentes ás parcelas coas referencias catastrais 32020A01509001, 32020A01609001, 32020A01609007, 32020A01709004 e 32020A01709007.
Fundamentos de dereito:
Primeiro. O Xurado Provincial de Clasificación de Montes Veciñais en Man Común é o órgano competente para coñecer os expedientes de clasificación dos montes que teñan tal carácter, de acordo co establecido no artigo 9 da Lei 13/1989, do 10 de outubro, de montes veciñais en man común.
Segundo. De conformidade co disposto no artigo 1 da devandita Lei «son montes veciñais en man común... os que, con independencia da súa orixe, as súas posibilidades produtivas, o seu aproveitamento actual e a súa vocación agraria, pertenzan a agrupacións veciñais na súa calidade de grupos sociais e non como entidades administrativas, e se veñan aproveitando consuetudinariamente en réxime de comunidade sen asignación de cotas polos membros daquelas na súa condición de veciños».
Terceiro. É reiterada doutrina da Sala do Contencioso-Administrativo do Tribunal Supremo que son dúas as notas características dos montes veciñais en man común: unha, o aproveitamento consuetudinario en man común, e outra, a atribución da titularidade dese aproveitamento aos veciños integrantes dun grupo social determinado, independentemente da súa cualificación ou non como entidade administrativa, correspondendo constatar o aproveitamento e atribuír a titularidade a favor do grupo social que o veña gozando ao Xurado Provincial de Clasificación de Montes Veciñais en Man Común de Ourense.
Cuarto. O carácter de monte veciñal en man común tense acreditado mediante as testemuñas dos veciños solicitantes, as actuacións realizadas polo Servizo de Montes e a documentación que consta no expediente.
En consecuencia co que antecede, examinada a Lei 13/1989, do 10 de outubro, de montes veciñais en man común, o seu regulamento, aprobado polo Decreto 260/1992, do 4 de setembro, o Decreto 223/2022, do 22 de decembro, que establece a estrutura orgánica da Consellería do Medio Rural, e demais normativa legal e regulamentaria, o Xurado Provincial por unanimidade dos seus membros,
RESOLVE:
Clasificar como monte veciñal en man común o monte denominado Foral de Trigás, Larouce e Bagarelas, no concello do Carballiño, de acordo coa descrición realizada no feito cuarto.
Contra esta resolución, que pon fin á vía administrativa, poderase interpoñer recurso potestativo de reposición ante o Xurado Provincial de Clasificación de Montes Veciñais en Man Común de Ourense no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Ourense, no prazo de dous meses contados desde o día seguinte ao desta notificación, de acordo co disposto no artigo 12 da citada Lei 13/1989, nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Ourense, 16 de setembro de 2025
José Antonio Armada Pérez
Presidente do Xurado Provincial de Clasificación
de Montes Veciñais en Man Común de Ourense