Cumpridos os trámites previstos na Lei 6/2017, do 12 de decembro, de portos de Galicia, acordouse, en virtude do indicado no seu artigo 70.13, darlles publicidade ás resolucións, que poñen fin á vía administrativa, dos outorgamentos das seguintes concesións en dominio público portuario, con suxeición ás condicións estipuladas nos pregos de condicións correspondentes:
• Data da resolución: 10.9.2025.
Tipo de trámite: outorgamento de concesión no dominio público portuario.
Código da concesión: 12-20-23-C-1.
Obxecto da concesión: ocupación do dominio público portuario en superficie e parcial do edificio 12.20.edf.002 (lonxa e departamentos a), titularidade de Portos de Galicia, para o desenvolvemento das actividades portuarias inherentes á explotación e xestión da lonxa e oficinas.
Porto: Corme.
Concesionario: Confraría de Pescadores de Corme.
Superficie concedida no título concesional: 471 m2.
Investimento: 0 € (con IVE).
Prazo da concesión: quince (15) anos.
Taxas que se devindicarán a Portos de Galicia: en concepto de taxas de ocupación do dominio público portuario, 1.335,49 € anuais (IVE excluído), e en concepto de taxas por desenvolvemento de actividades comerciais ou industriais e de servizos, 0,0015 €/kg vendido en lonxa pola actividade de primeira venda e o 1,5 % do importe neto da cifra anual de negocio pola actividade de almacenaxe e oficinas.
Taxas TODP susceptibles de bonificación/s: si.
• Data da resolución: 15.9.2025.
Tipo de trámite: outorgamento de concesión no dominio público portuario.
Código da concesión: 13-34-23-C-1.
Obxecto da concesión: ocupación do dominio público portuario para lonxa e almacén de medios mecánicos non particulares.
Porto: Vilaboa (Santa Cristina de Cobres).
Concesionario: Confraría de Pescadores Pedra de Oliveira, de Vilaboa.
Superficie concedida no título concesional: 389 m2.
Investimento: 0 € (con IVE).
Prazo da concesión: dez (10) anos.
Taxas que se devindicarán a Portos de Galicia: en concepto de taxas de ocupación do dominio público portuario, 494,47 € anuais (IVE excluído), e en concepto de taxas por desenvolvemento de actividades comerciais ou industriais e de servizos, 0,0015 €/kg vendido en lonxa pola actividade de primeira venda e o 1 % do importe neto da cifra anual de negocio por vehículos non particulares asignados á confraría.
Taxas TODP susceptibles de bonificación/s: si.
• Data da resolución: 15.9.2025.
Tipo de trámite: outorgamento de concesión no dominio público portuario.
Código da concesión: 13-04-25-C-1.
Obxecto da concesión: ocupación do dominio público portuario para edificio e caseta desmontable para oficinas e formación náutico-pesqueira.
Porto: O Xufre (A Illa de Arousa).
Concesionario: Asociación de Mexilloeiros Isleños San Esteban.
Superficie concedida no título concesional: 386 m2.
Investimento: 0 € (con IVE).
Prazo da concesión: dez (10) anos.
Taxas que se devindicarán a Portos de Galicia: en concepto de taxas de ocupación do dominio público portuario, 2.986,60 € anuais (IVE excluído), e en concepto de taxas por desenvolvemento de actividades comerciais ou industriais e de servizos, o 1 % do importe neto da cifra anual de negocio por formación e ensinanzas náuticas e o 1,5 % por oficinas.
Taxas TODP susceptibles de bonificación/s: si.
• Data da resolución: 18.9.2025.
Tipo de trámite: outorgamento de concesión no dominio público portuario.
Código da concesión: 13-15-25-C-1.
Obxecto da concesión: ocupación do dominio público portuario para bar-cafetaría.
Porto: Campelo.
Concesionario: Sonia María Outón Mora.
Superficie concedida no título concesional: 45 m2.
Investimento: 0 € (con IVE).
Prazo da concesión: cinco (5) anos.
Taxas que se devindicarán a Portos de Galicia: en concepto de taxas de ocupación do dominio público portuario, 134,98 € anuais (IVE excluído), e en concepto de taxas por desenvolvemento de actividades comerciais ou industriais e de servizos, o 2 % do importe neto da cifra anual de negocio.
Taxas TODP susceptibles de bonificación/s: non.
• Data da resolución: 23.9.2025.
Tipo de trámite: outorgamento de concesión no dominio público portuario.
Código da concesión: 12-40-24-C-2.
Obxecto da concesión: ocupación do dominio público portuario en superficie, lámina de auga e edificios, para mantemento e reparación de embarcacións do sector pesqueiro marisqueiro e doutros sectores.
Porto: O Freixo.
Concesionario: Abeijón Hermanos, S.L., de Vilaboa.
Superficie concedida no título concesional: 5.420 m2.
Investimento: 0 € (con IVE).
Prazo da concesión: dez (10) anos.
Taxas que se devindicarán a Portos de Galicia: en concepto de taxas de ocupación do dominio público portuario, 14.528,80 € anuais (IVE excluído), e en concepto de taxas por desenvolvemento de actividades comerciais ou industriais e de servizos, o 1 % do importe neto da cifra anual de negocio para varadoiro.
Taxas TODP susceptibles de bonificación/s: si.
• Data da resolución: 23.9.2025.
Tipo de trámite: outorgamento de concesión no dominio público portuario.
Código da concesión: 13-24-25-C-1.
Obxecto da concesión: ocupación do dominio público portuario para bar-cafetaría-restaurante.
Porto: Arcade.
Concesionario: Marisquería Arcades, S.L.
Superficie concedida no título concesional: 108 m2.
Investimento: 150.046,35 € (sen IVE).
Prazo da concesión: quince (15) anos.
Taxas que se devindicarán a Portos de Galicia: en concepto de taxas de ocupación do dominio público portuario, 745,35 € anuais (IVE excluído), e en concepto de taxas por desenvolvemento de actividades comerciais ou industriais e de servizos, o 2 % do importe neto da cifra anual de negocio por bar-restaurante.
Taxas TODP susceptibles de bonificación/s: non.
Contra os citados actos administrativos, que esgotan a vía administrativa, cabe interpor recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous (2) meses contados a partir do día seguinte ao da publicación da resolución en que se faga público o outorgamento.
Non obstante, os interesados poderán interpor contra esta resolución recurso potestativo de reposición, no prazo dun (1) mes contado a partir do día seguinte ao desta publicación, ante o mesmo órgano que a ditou, de acordo co disposto no artigo 123 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 24 de setembro de 2025
José Antonio Álvarez Vidal
Presidente de Portos de Galicia