Examinado o expediente iniciado por solicitude de Energías Ambientales de Somozas, S.A., en relación coa declaración de utilidade pública, en concreto, do Parque Eólico Somozas, constan os seguintes

Antecedentes de feito:

Primeiro. O 8.7.2020, Energías Ambientales de Somozas, S.A., presentou a solicitude de autorización administrativa previa, autorización administrativa de construción e aprobación do proxecto sectorial (proxecto de interese autonómico) para a modificación substancial do Parque Eólico Somozas, ao abeiro da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental.

Esta modificación consiste, con carácter xeral, na retirada das actuais infraestruturas (81 aeroxeradores) e na instalación de novas máquinas e infraestruturas de conexión entre elas, de forma que se reduce o número de aeroxeradores a 10 unidades, de maiores dimensións e potencia unitaria cós actuais, mantendo a mesma potencia evacuable do parque eólico.

Segundo. O 18.3.2021, a Dirección Xeral de Planificación Enerxética e Recursos Naturais notificoulle á promotora o cumprimento de requisitos da súa solicitude de modificación substancial.

Terceiro. O 17.6.2021, o Consello da Xunta de Galicia acordou declarar iniciativa empresarial prioritaria o Parque Eólico Somozas, promovido por Energías Ambientales de Somozas, S.A. e pola Resolución do 27 de xullo de 2021, da Dirección Xeral de Planificación Enerxética e Recursos Naturais, declarouse a tramitación de urxencia dos procedementos administrativos correspondentes ao parque eólico, o que supón a redución á metade dos prazos establecidos para o procedemento ordinario, salvo os relativos á presentación de solicitudes e recursos.

Cuarto. O 11.8.2021, Energías Ambientales de Somozas, S.A. presentou a solicitude de declaración de utilidade pública para o proxecto do Parque Eólico Somozas, e achegou a correspondente relación concreta e individualizada dos bens e dereitos afectados, de acordo co establecido no artigo 44.3 da Lei 8/2009, do 22 de decembro.

Quinto. Polo Acordo do 20 de agosto de 2021, da Xefatura Territorial da Coruña, sometéronse a información pública a solicitude de autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción, o estudo de impacto ambiental e o proxecto sectorial de incidencia supramunicipal (proxecto de interese autonómico) do proxecto do Parque Eólico Somozas.

O dito acordo publicouse no Diario Oficial de Galicia do 31 de agosto de 2021 e no xornal La Voz de Galicia do 30 de agosto. Así mesmo, permaneceu exposto ao público no taboleiro de anuncios do concello afectado (As Somozas), e nas dependencias da Vicepresidencia Segunda e Consellería de Economía, Empresa e Innovación da Xefatura Territorial da Coruña, que emitiron os correspondentes certificados de exposición pública. Así mesmo, o dito acordo estivo exposto no portal web da Vicepresidencia Segunda e Consellería de Economía, Empresa e Innovación.

Durante o trámite de información pública, así como durante a tramitación do expediente, presentáronse alegacións, as cales foron remitidas e contestadas pola promotora.

Sexto. Pola Resolución do 4 de outubro de 2024, da Dirección Xeral de Enerxías Renovables e Cambio Climático, outorgáronse a autorización de desmantelamento das instalacións actuais do Parque Eólico Somozas (Monte da Serra, Monte Marván e Monte Vilalbesa), a autorización administrativa previa e a autorización administrativa de construción das instalacións relativas ao proxecto do Parque Eólico Somozas (DOG núm. 209, do 29 de outubro 2024).

Sétimo. O 26.12.2024, a promotora solicitou o recoñecemento como non substancial dunha modificación do proxecto, consistente, con carácter xeral, no cambio do modelo de aeroxerador proxectado, e na eliminación da torre meteorolóxica prevista. Co cambio de modelo de aeroxerador prodúcese unha redución da potencia total instalada, que pasa dos 49,95 MW aos 46,4 MW.

Oitavo. O 13.2.2025, Energías Ambientales de Somozas, S.A., como consecuencia das modificacións introducidas durante a tramitación do proxecto e das propostas na solicitude de modificación non substancial recollida no antecedente de feito anterior, solicitou a declaración de utilidade pública para o proxecto modificado, e achegou a correspondente relación concreta e individualizada dos bens e dereitos afectados, para dar cumprimento ao establecido no artigo 44 da Lei 8/2009, do 22 de decembro.

O 14.3.2025, o 24.4.2025 e o 22.5.2025, en resposta aos requirimentos desta dirección xeral do 13.2.2025 e do 25.3.2025, a promotora achegou documentación complementaria, así como emenda da documentación incluída na súa solicitude.

Noveno. Pola Resolución do 13 de maio de 2025, da Dirección Xeral de Enerxías Renovables e Cambio Climático, recoñeceuse como non substancial a modificación do proxecto, recollida no antecedente de feito sétimo.

Décimo. O 27.5.2025, esta dirección xeral remitiulle ao Departamento Territorial da Consellería de Medio Ambiente e Cambio Climático da Coruña a documentación da solicitude de declaración de utilidade pública para a modificación do proxecto do parque eólico, coa fin de continuar coa súa tramitación, en cumprimento do artigo 44 da Lei 8/2009.

Décimo primeiro. Polo Acordo do 8 de xullo de 2025, do Departamento Territorial da Consellería de Medio Ambiente e Cambio Climático da Coruña, someteuse a información pública a solicitude de declaración de utilidade pública, en concreto, coa necesidade de urxente ocupación que iso implica, da modificación do proxecto Parque Eólico Somozas (en explotación), no concello das Somozas

O Acordo publicouse o 23 de xullo de 2025 no Diario Oficial de Galicia (DOG) núm. 140 e no xornal La Voz de Galicia, edición Ferrol. Así mesmo, estivo exposto no taboleiro de anuncios da Casa do Concello das Somozas, segundo o certificado emitido polo dito Concello o 11.9.2025; no taboleiro de anuncios das dependencias do Departamento Territorial da Consellería de Medio Ambiente e Cambio Climático, segundo o certificado emitido o 9.9.2025, así como no portal web da citada consellería, durante un período de trinta (30) días, contados a partir do día seguinte ao da súa publicación no DOG, de acordo co disposto no artigo 44.4 e 33.10 da Lei 8/2009, do 22 de decembro.

Non consta a presentación de alegacións durante o dito período de exposición pública.

Décimo segundo. O 17.7.2025, a Sección de Minas do Departamento Territorial da Consellería de Economía e Industria da Coruña informou, en relación cos posibles dereitos mineiros afectados pola instalación que «de acordo cos datos que figuran no día de hoxe no mapa do Rexistro Mineiro de Galicia do RUE e no Catastro Mineiro de Galicia, resulta que non existen dereitos mineiros vixentes concorrentes no espazo territorial proxectado para a modificación do Parque Eólico Somozas».

Décimo terceiro. O 17.7.2025, o Servizo de Montes do Departamento Territorial da Coruña da Dirección Xeral de Planificación e Ordenación Forestal (DXPOF) da Consellería do Medio Rural emitiu un certificado de aproveitamentos de masas forestais relativo ao Parque Eólico Somozas, no cal indica que «segundo os datos que constan nas bases de datos da Dirección Xeral de Planificación e Ordenación Forestal, o espazo territorial proxectado para a devandita infraestrutura non afecta montes públicos demaniais ou patrimoniais, non afecta montes xestionados pola Consellería de Medio Rural con consorcio ou convenio, nin montes veciñais en man común».

Décimo cuarto. O 10.9.2025, en resposta ao requirimento do Departamento Territorial do 9.9.2025, e en relación cos cambios introducidos no proxecto autorizado e na modificación non substancial resolta o 13.5.2025, o promotor achegou unha declaración responsable, para os efectos do establecido no artigo 44.4 da Lei 8/2009, en que manifesta que as referidas modificacións non producen novas afeccións aos organismos afectados, xa consultados durante a tramitación da autorización administrativa previa e de construción da referida instalación.

Décimo quinto. O 17.9.2025, o Departamento Territorial da Consellería de Medio Ambiente e Cambio Climático remitiu á Dirección Xeral de Enerxías Renovables e Cambio Climático a documentación relativa á tramitación da información pública e de consultas aos organismos afectados da modificación da solicitude de declaración de utilidade pública do parque eólico.

Décimo sexto. O 25.9.2025, a promotora achegou a esta dirección xeral a relación de bens e dereitos afectados definitiva, actualizada en virtude dos acordos acadados e na cal se recolle a desafectación dunha parcela.

Décimo sétimo. O 26.9.2025, a Dirección Xeral de Enerxías Renovables e Cambio Climático recibiu, do Servizo de Enerxías Renovables e Infraestruturas do Departamento Territorial da Coruña, un informe da mesma data en que se conclúe: «Revisada a documentación achegada pola DXERCC en relación co Parque Eólico Somozas e feitas a comprobacións oportunas, informo que non habería limitacións á constitución de servidumes a que se fai referencia no artigo 161.1 do Real decreto 1955/2000».

Aos antecedentes de feito descritos sonlles de aplicación os seguintes

Fundamentos de dereito.

Primeiro. A Dirección Xeral de Enerxías Renovables e Cambio Climático é competente para resolver este procedemento con fundamento no Decreto 49/2024, do 22 de abril, polo que se fixa a estrutura orgánica das consellerías da Xunta de Galicia, no Decreto 137/2024, do 20 de maio, polo que se establece a estrutura orgánica da Consellería de Medio Ambiente e Cambio Climático, e na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, pola Lei 9/2021, do 25 de febreiro, de simplificación administrativa e de apoio á reactivación económica de Galicia, polo artigo 39 da Lei 18/2021, do 27 de decembro, de medidas fiscais e administrativas, polo artigo 46 da Lei 7/2022, do 27 de decembro, de medidas fiscais e administrativas, polo artigo 39 da Lei 10/2023, do 28 de decembro, de medidas fiscais e administrativas, pola disposición derradeira segunda da Lei 2/2024, do 7 de novembro, de promoción dos beneficios sociais e económicos dos proxectos que utilizan os recursos naturais de Galicia, e polo artigo 30 da Lei 5/2024, do 27 de decembro, de medidas fiscais e administrativas.

Segundo. No expediente instruído para o efecto cumpríronse os trámites de procedemento establecidos na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, na Lei 39/2015, do 1 de outubro, do procedemento administrativo común das administracións públicas, e demais normas vixentes de aplicación.

Terceiro. De acordo co artigo 56.1 da Lei 24/2013, do 26 de decembro, do sector eléctrico, e o artigo 44 da Lei 8/2009, do 22 de decembro, a declaración de utilidade pública leva implícita en todo caso a necesidade de ocupación dos bens ou de adquisición dos dereitos afectados, e implica a urxente ocupación, para os efectos do artigo 52 da Lei do 16 de decembro de 1954, sobre expropiación forzosa.

Cuarto. No que respecta ás alegacións recibidas, cómpre indicar que estas se corresponden co período de información pública recollido no antecedente de feito quinto desta resolución. Visto o seu contido, referente á titularidade e ás características dos bens e dereitos afectados, e as respostas efectuadas pola promotora, cómpre indicar que se tomou razón de todas as manifestacións e documentos presentados polas persoas interesadas, para os efectos previstos no artigo 52, número 3, da Lei de expropiación forzosa.

En relación co período de información pública iniciado polo Acordo do 8 de xullo de 2025, do Departamento Territorial da Coruña, non se recibiron alegacións, tal e como se indica no antecedente de feito décimo primeiro.

De acordo con todo o que antecede,

RESOLVO:

Primeiro. Declarar a utilidade pública, en concreto, das instalacións do Parque Eólico Somozas, sito no concello das Somozas (A Coruña) e promovido por Energías Ambientales de Somozas, S.A. (expediente IN408A 2020/105), segundo o previsto nos artigos 54 e 56 da Lei 24/2013, do 26 de decembro, do sector eléctrico, o que leva implícita a necesidade de ocupación dos bens ou de adquisición dos dereitos afectados e implica a urxente ocupación, para os efectos do artigo 52 da Lei de expropiación forzosa do 16 de decembro de 1954 (BOE núm. 351, do 17 de decembro), en relación coas parcelas recollidas no anexo desta resolución.

Segundo. Esta resolución publicarase no Diario Oficial de Galicia, de acordo co establecido no artigo 148 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

Contra a presente resolución, que non pon fin á vía administrativa, poderase interpoñer recurso de alzada ante a conselleira de Medio Ambiente e Cambio Climático, no prazo dun mes contado a partir do día seguinte ao da súa notificación, de conformidade cos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 30 de setembro de 2025

Paula Mª Uría Traba
Directora xeral de Enerxías Renovables e Cambio Climático

ANEXO

Relación de bens e dereitos afectados polo Parque Eólico Somozas

Nº de predio prox.	Titulares	Datos catastrais						Pleno dominio ou ocupación permanente			Servidume de paso		Serv. voo aero	Ocup. temp.	Superficies solapamentos servidumes
Pol.	Parc.	Referencia catastral	Lugar	Tipo	Cult.	nº aero	Cim.	Plat.	Vieiro	Gabia	Serv. vieiro-gabia	Serv.voo -vieiro	Serv. voo- gabia	Serv. voo- vieiro-gabia
10	Castro Picos, Santiago	11	244	15082A011002440000GW	Prado de Romeo	Rústico	MT	SG001		333
13	Pena Fraga, Purificación Pena Fraga, Josefa Lagoa Fraga, Inocencio Lagoa Fraga, José María	5	384	15082A005003840000GY	Morado	Rústico	MT				203	23		67	23
14	Fraga Carballal, Osbaldo Fraga Fraga, Constantina Fraga Fraga, Gerardo	5	385	15082A005003850000GG	Morado	Rústico	MT				168	19		58	19
15	López Fraga, José María e 3 máis	5	436	15082A005004360000GS	Prado Romeo	Rústico	MT				265	14		81	14
16	Parapar Santiago, Marino e outros	5	437	15082A005004370000GZ	Prado Romeo	Rústico	MT				120			31
17	Descoñecido Fiscalía Provincial da Coruña	5	386	15082A005003860000GQ	Morado	Rústico	MT				471	4		92	4
22	Descoñecido Fiscalía Provincial da Coruña	9	201	15082A009002010000GF	Lagos de Marván	Rústico	MT I	S002		134	776	52	4.900	98	31	450	44	31
32	Ramírez Bustabad, Nicolás Díaz Crego, José Manuel	9	151	15082A009001510000GE	Bragueiros	Rústico	MT I				950	104		1.010
35	Formoso Galego, José Gómez Formoso, María Soledad Gómez Anca, Jesús	9	147	15082A009001470000GJ	Marván	Rústico	MT					7		50
36	Riobó Carballal, Baldomero Riobó Carballal, Manuela	9	206	15082A009002060000GD	Rego	Rústico	PD MT					67		498
41	Pita Rego, Josefa	10	29	15082A010000290000GD	Carabullo	Rústico	PD EU					232		1.736
42	López Prado, José	10	53	15082A010000530000GP	Pedreira	Rústico	E					37		275
51	Concello das Somozas	501	620	15082A501006200000FR	Monte das Augas	Rústico	EU MT				249			135
65	Descoñecido Fiscalía Provincial da Coruña	19	88	15082A019000880000GA	Monte de Arriba	Rústico	MT				725			160
71	Riobó Carballal, Baldomero	21	90	15082A021000900000GP	O Viñón	Rústico	MT	S004		4
79	Riobó Carballal, Manuela Riobó Carballal, Baldomero	20	309	15082A020003090000GR	O Viñón	Rústico	MT					3
81	López Prada, Josefa López Prada, José López Prada, Julia López Prada, Emilia López Prada, Antonio	20	307	15082A020003070000GO	O Viñón	Rústico	PD					26		23
105	Galego Gómez, Rafael	20	365	15082A020003650000GQ	Vilalbesa	Rústico	MT					223		778
107	Galego Gómez, José Luis	20	366	15082A020003660000GP	Vilalbesa	Rústico	MT					63		210
108	Vilaboy Martínez, Pedro Martínez López, Josefa Adela	20	248	15082A020002480000GD	Covelas	Rústico	MM					118		458
109	Vilaboy Millor, Josefa	20	350	15082A020003500000GI	Cupeiro	Rústico	MT				110			3.384
116	Fernández García, Emilio López Puentes, Serafín Jaime	20	349	15082A020003490000GE	Cupeiro	Rústico	MT				194			18
117	Descoñecido Fiscalía Provincial da Coruña	20	381	15082A020003810000GX	Bustabade	Rústico	MT				85
120	Bello Prieto, María Purificación Rpte.: M. Carmen Formoso Bello	30	397	15082A030003970000GF	A Veiga	Rústico	MT I					16		68
130	Ameneiro Costa, Atilano	29	101	15082A029001010000GD	A Caruncha	Rústico	PD				243		22	123
131	Ameneiro Costa, María	29	100	15082A029001000000GR	A Caruncha	Rústico	PD				397	70	558			235	70
133	Ameneiro Costa, María	30	270	15082A030002700000GT	Serra	Rústico	MT						138
144	Casal Bouza, Emilia	29	89	15082A029000890000GP	A Caruncha	Rústico	PD MT I	S007		369
147	Doce Vilariño, Manuel	29	231	15082A029002310000GX	A Caruncha	Rústico	MT					19		64
148	Anca Formoso, M. Dolores Rogelia (hdros.) Herdeiro Julio López Anca	29	145	15082A029001450000GW	A Caruncha	Rústico	PD MT I					241		910
150	Vilaboy Justo, Segunda	22	432	15082A022004320000GE	Marota	Rústico	MT					108		396
151	Descoñecido Fiscalía Provincial da Coruña	22	403	15082A022004030000GU	Marota	Rústico	MT					61		251
160	Cendán Doce, Dolores (hdros.) López Anca, José Luis e outros	29	139	15082A029001390000GZ	Pena dos Ladróns	Rústico	MT					45		323
165	Anca Formoso, M. Dolores Rogelia (hdros.) Herdeiro Julio López Anca	23	62	15082A023000620000GU	Pena dos Ladróns	Rústico	MT PD					18		170
166	Anca Formoso, M. Dolores Rogelia (hdros.) Herdero Julio López Anca	23	64	15082A023000640000GW	Pena dos Ladróns	Rústico	MT PD I					112		808
167	López Anca, José Luis	23	78	15082A023000780000GO	Pena Pazo	Rústico	PD I					100		746
172	Franco Cendán, Andrés Franco Bouza, Carmen Bermúdez Franco, Jesús Franco Dopico, Segundo Franco Dopico, Manuel	28	299	15082A028002990000GB	Fonte do Espiño	Rústico	MM				796	72		19
178	Franco Cendán, Josefa Pilar Franco Meizoso, José Julio Franco Dopico, Enrique Vázquez Francos, Josefa Vázquez Franco, María Franco Dopico, Herminia Bermúdez Franco, Remedios Cabaleiro Franco, José Franco Cendán, Andrés Corral Franco, Natalia Bermúdez Franco, María Josefa Bermúdez Franco, Jesús Corral Franco, Sonia Franco Dopico, Candelaria Franco Cendán, Remedios Calvo Franco, Aquilino Franco Meizoso, Fernando Franco Bouza, José Antonio Franco Dopico, Edelmiro	28	254	15082A028002540000GX	Pena Cativa	Rústico	MT				1.200	54		217	54
	Franco Bouza, Carmen Franco Dopico, Manuela Franco Bouza, José Calvo Franco, Manuel Franco Dopico, Manuel Franco Dopico, Segundo
182	Vilaboy Ramos, Modesta Vilaboy Ramos, Julia Vilaboy Ramos, Benigno Vilaboy Ramos, Ramiro Vilabo Casal, Manuel María	28	177	15082A028001770000GP	Porto do Carro	Rústico	MT				79			109
186	Rodríguez Guerreiro, Herminia Rodríguez Guerreiro, Alfonso Rodríguez Guerreiro, Julio Rodríguez Guerreiro, Jesús Rodríguez Guerreiro, Fernando	28	228	15082A028002280000GU	Fonte Corna	Rústico	MM				261	75		240
188	Financiera Maderera, S.A.	28	199	15082A028001990000GH	Porto do Carro	Rústico	E	S009		485	1.972	138		269
189	Financiera Maderera, S.A.	28	202	15082A028002020000GA	Fonte das Bruxas	Rústico	MM				683			574
190	Financiera Maderera, S.A.	24	232	15082A024002320000GW	Tablos	Rústico	MM I	S009	253	3.273	3.602	123	5.259	700		1.785	64
191	López Castro, Pablo Gervasio	24	233	15082A024002330000GA	Tablos	Rústico	MT I				468			212
252	Anca Durán, Carlos Anca Durán, Manuel Anca Durán, Pedro	9	84	15082A009000840000GI	Suvalado	Rústico	PD				100

Afeccións do parque eólico en metros cadrados (m2):

– Superficie de pleno dominio:

• Nº aero: número aeroxerador.

• Cim.: cimentación do aeroxerador, superficie ocupada pola zapata que garante a estabilidade dun aeroxerador.

• Plat.: plataforma, superficie necesaria para a montaxe e mantemento dos aeroxeradores.

– Servidume de paso:

• Vieiro: dereito de paso polas vías en que circularán os transportes para a construción, vixilancia, conservación e reparación das instalacións do parque eólico.

• Gabia: servidume de paso da liña eléctrica soterrada.

– Serv. voo aero: servidume definida pola superficie de varrido das pas do aeroxerador.

– Ocup. temp.: ocupación temporal de terreos para a construción, vixilancia, conservación e reparación das instalacións.

– Superficies solapamentos servidumes:

• Serv. vieiro-gabia: abrangue aquelas zonas onde coinciden as afeccións de servidume de paso vieiro e servidume de paso gabia.

• Serv. voo-vieiro: abrangue aquelas zonas onde coinciden as afeccións de servidume do voo e servidume de paso vieiro.

• Serv. voo-gabia: abrangue aquelas zonas onde coinciden as afeccións de servidume do voo e servidume de paso gabia.

• Serv. voo-vieiro-gabia: abrangue aquelas zonas onde coinciden as tres afeccións, servidume do voo, servidume de paso vieiro e servidume de paso gabia.