A Orde da Consellería de Educación, Ciencia, Universidades e Formación Profesional do 10 de setembro de 2025, pola que se convocan os premios extraordinarios de formación profesional de grao superior da Comunidade Autónoma de Galicia correspondentes ao curso 2023/24 (Diario Oficial de Galicia núm. 182, do 22 de setembro), establece no seu artigo 11 que, para a selección, análise e valoración das solicitudes, a persoa titular da Dirección Xeral de Ordenación e Innovación Educativa designará un xurado de selección composto por un presidente ou unha presidenta e ata un máximo de seis vogais, coa categoría de subdirector/a xeral, xefe/a de servizo ou inspectores e inspectoras de Educación.

De conformidade co establecido no citado artigo 11 e na disposición derradeira segunda da citada Orde do 10 de setembro de 2025,

RESOLVO:

Designar os membros do xurado de selección que deberá seleccionar, analizar e valorar as solicitudes das persoas aspirantes aos premios extraordinarios de formación profesional de grao superior correspondentes ao curso 2023/24 e facer pública a súa composición, que é a que figura a seguir:

– Titulares:

Presidente: Manuel Enrique Prado Cueva, subdirector xeral de Inspección e Avaliación do Sistema Educativo.

Vogais:

• Jesús Manuel Rodríguez Buján, subdirector xeral de Cualificacións, Planificación e Xestión da Formación Profesional.

• José Antonio Jardón Bahía, xefe de servizo de Xestión da Formación Profesional.

• Manuel Guerra Fernández, inspector de Educación.

– Suplentes:

Presidenta: Cristina Lesta Íñiguez, subdirectora xeral de Innovación Profesional e Coordinación co Sistema Produtivo.

Vogais:

• Antía Tuñas Caamaño, xefa de servizo de Coordinación co Sistema Produtivo.

• Pablo Otero Pérez, xefe de servizo de Orientación e Innovación Profesional.

• Juan Manuel Paz Valle, xefe de servizo de Planificación e Coordinación da Inspección Educativa.

Esta resolución entrará en vigor o mesmo día da súa publicación no Diario Oficial de Galicia.

Santiago de Compostela, 9 de outubro de 2025

Judith Fernández Novoa
Directora xeral de Ordenación e Innovación Educativa