En sesión conxunta, que tivo lugar o día 11 de xullo de 2025, os tribunais nomeados polas resolucións da Consellería de Facenda e Administración Pública do 29 de maio de 2024 (DOG núm. 108, do 5 de xuño) para cualificar os procesos selectivos extraordinarios de estabilización derivados da Lei 20/2021, do 28 de decembro, pola quenda de acceso libre e mediante o sistema de concurso, para o ingreso en escalas e especialidades do corpo de técnicos de carácter facultativo de Administración especial da Administración xeral da Comunidade Autónoma de Galicia, subgrupo C1, do corpo de auxiliares de carácter técnico de Administración especial da Administración xeral da Comunidade Autónoma de Galicia, subgrupo C2, e en categorías dos grupos I, II, III, IV e V de persoal laboral da Xunta de Galicia, convocados polas resolucións da Consellería de Facenda e Administración Pública do 22 de decembro de 2022 (DOG núm. 244, do 26 de decembro), modificadas pola Resolución do 20 de xaneiro de 2023 (DOG núm. 15, do 23 de xaneiro) e Resolución do 6 de febreiro de 2023 (DOG núm. 26, do 7 de febreiro) (corrección de erros no DOG núm. 64, do 31 de marzo e DOG núm. 87, do 8 de maio), realizaron unha xuntanza para a toma de decisións en común que afectan os procesos selectivos indicados.

De conformidade co disposto na base 2.7.2 da Resolución do 20 de xaneiro de 2023 (DOG núm. 15, do 23 de xaneiro) pola que se modifican as resolucións de convocatoria do 22 de decembro de 2022, as persoas aspirantes que participen nos procesos de estabilización vinculados ao Servizo de Extinción de Incendios que se relacionan no anexo, deberán realizar unha proba física de carácter eliminatorio. A dita proba consistirá en superar a proba física «Field Test», que consiste en camiñar 3.200 metros sobre terreo plano cun peso de 11 kg ás costas, nun tempo máximo de 30 minutos. Este exercicio de carácter eliminatorio valorarase como apto ou non apto, e será preciso para superalo obter o resultado de apto. En consecuencia, os citados tribunais,

ACORDAN:

Primeiro. Publicar os resultados obtidos polas persoas aspirantes presentadas á proba realizada os días 29 de novembro de 2024 e 13 de xuño de 2025, correspondentes á proba física única dos procesos selectivos extraordinarios de estabilización derivados da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nas categorías, corpos, escalas e especialidades indicadas no anexo desta resolución, convocados pola Resolución da Consellería de Facenda e Administración Pública do 22 de decembro de 2022.

Os resultados obtidos polas persoas convocadas á dita proba física reflíctense no portal web corporativo da Dirección Xeral de Emprego Público e Administración de Persoal: https://www.xunta.gal/funcion-publica/procesos-selectivos/consulta

De conformidade co informe do 9 de outubro de 2024, da Dirección Xeral de Emprego Público e Administración de Persoal, sobre a aplicación aos procesos selectivos de estabilización da Lei 20/2021, da tramitación de urxencia, conforme o artigo 33.1 da Lei 39/2015, do 1 de outubro, do procedemento administrativo común das administracións públicas, as persoas aspirantes disporán dun prazo de cinco (5) días hábiles, contados a partir do día seguinte ao da publicación desta resolución no DOG, para presentar as alegacións que consideren oportunas con relación ás puntuacións.

Segundo. De conformidade co disposto na base V.13 da convocatoria, contra esta resolución poderase interpoñer recurso de alzada ante a persoa titular da consellería competente en materia de función pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 11 de xullo de 2025

Ana Belén Díaz Fernández
Presidenta do tribunal do grupo I

Víctor Gallego Vincent
Presidente do tribunal do grupo II

Concepción Moares Domínguez
Presidenta do tribunal do subgrupo C1 e do grupo III

Javier Fraga Vázquez
Presidente do tribunal do subgrupo C2 e do grupo IV

José Luis Soto Campos
Presidente do tribunal do grupo V

ANEXO

Corpos, escalas e especialidades de persoal funcionario nas que se publica o resultado da proba física

Corpo de técnicos de carácter facultativo (subgrupo C1)

Escala técnica do Servizo de Prevención e Defensa contra Incendios Forestais. Especialidade bombeiro/a forestal xefe de brigada.

Corpo de auxiliares de carácter técnico (subgrupo C2)

Escala auxiliar do Servizo de Prevención e Defensa contra Incendios Forestais. Especialidade de bombeiro/a forestal.

Categorías de persoal laboral nas que se publica o resultado da proba física

Categorías profesionais

Cat. 38 técnico/a superior Defensa contra Incendios Forestais (grupo I).

Cat. 39 técnico/a forestal Defensa contra Incendios Forestais (grupo II).

Cat. 100 bombeiro/a forestal xefe/a de brigada (grupo III).

Cat. 33 condutor/a motobomba Defensa contra Incendios Forestais (grupo IV).

Cat. 14 bombeiro/a forestal (grupo V).

Cat. 14A bombeiro/a forestal condutor/a (grupo V).