Para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións cofinanciadas polos ditos fondos, en concreto consonte o anexo XII do Regulamento (UE) nº 1303/2013 do Parlamento Europeo e do Consello, do 17 de decembro de 2013, dáse publicidade ás actuacións contratadas, de acordo co disposto na Lei 9/2017, do 8 de novembro, de contratos do sector público, pola que se traspoñen ao ordenamento xurídico español as Directivas do Parlamento Europeo e do Consello 2014/23/UE e 2014/24/UE, do 26 de febreiro de 2014, e demais normativa de aplicación, que a seguir se indica por razón do seu cofinanciamento pola Unión Europea:

1) Entidade adxudicadora:

Entidade: Augas de Galicia, entidade pública empresarial adscrita á Consellería de Medio Ambiente e Cambio Climático da Xunta de Galicia.

Actividade principal exercida: infraestruturas e servizos hidráulicos.

Enderezo da internet: http://augasdegalicia.xunta.gal/

Perfil de contratante: http://www.contratosdegalicia.gal/consultaOrganismo.jsp?N=216. Tamén se terá acceso ao perfil de contratante desde a Plataforma de contratos públicos de Galicia https://www.contratosdegalicia.gal, accesible, así mesmo, no Portal web institucional da Xunta de Galicia https://www.xunta.gal e na sede electrónica da Xunta de Galicia https://sede.xunta.gal, o Portal de transparencia de Galicia https://transparencia.xunta.gal, a Plataforma de contratación do sector público https://contrataciondelestado.es por medio de enlaces de interese ás plataformas de contratación das comunidades autónomas e a páxina web https://augasdegalicia.xunta.gal/

Dependencia que tramita os expedientes: contratación.

Tipo de contrato: servizo.

Tramitación: ordinaria.

Procedemento de adxudicación: contrato menor (artigo 118 da LCSP).

2) Obxecto dos contratos:

a) Título: contrato menor de servizo para a redacción do proxecto construtivo para a apertura do encoro de Carballo no río Belelle. Neda (A Coruña).

Referencia do expediente: AUG-2025-0100.

CPV (referencia de nomenclatura): 71311100-2 Servizos de asistencia en enxeñería civil.

Orzamento base: importe neto: 14.280,00 euros. Importe total: 17.278,80 euros.

Prazo de execución: 2 meses.

Importe da adxudicación: importe neto: 14.000,00 euros. Importe total: 16.940,00 euros.

Empresa contratista: Serye Ingenieros, S.L.

b) Título: contrato de servizo para a redacción do proxecto construtivo de melloras para a prevención do risco de inundación da área de risco potencial significativo de inundación fluvial ES014-CO-14-01-02 Río Belelle. Neda (A Coruña).

Referencia do expediente: AUG-2025-0122.

CPV (referencia de nomenclatura): 71311100-2 Servizos de asistencia en enxeñaría civil.

Orzamento base: importe neto: 14.875,00 euros. Importe total: 17.998,75 euros.

Prazo de execución: 2 meses.

Importe da adxudicación: importe neto: 14.500,00 euros. Importe total: 17.545,00 euros.

Empresa contratista: Aquática Ingeniería Civil, S.L.

3) Información sobre os contratos relacionados cun proxecto ou programa financiado con fondos da Unión Europea:

Actuacións referidas no punto 2) anterior cofinanciadas pola Unión Europea a través do Fondo Europeo de Desenvolvemento Rexional (Feder) nun 60 % do gasto elixible no marco do Programa Galicia Feder 2021-2027, no Obxectivo Político 2 «Unha Europa máis verde, hipocarbónica e en transición cara a unha economía con cero emisións netas de carbono e resiliente, promovendo unha transición enerxética limpa e equitativa, o investimento verde e azul, a economía circular, a mitigación do cambio climático e a adaptación a el, a prevención e xestión de riscos e a mobilidade urbana sustentable»; Prioridade P2A «Transición verde»; Obxectivo específico RSO2.4. «Favorecer a adaptación ao cambio climático e a prevención do risco de catástrofes, así como a resiliencia, tendo en conta os enfoques baseados nos ecosistemas»; Liña de actuación 2.4.01 «Actuacións de preservación dos recursos hídricos, os seus ecosistemas e preparación, protección e resposta fronte a inundacións». Ámbito de intervención 058 «Medidas de adaptación ao cambio climático e prevención e xestión de riscos relacionados co clima: inundacións e corrementos de terras (incluídas as accións de sensibilización, a protección civil e os sistemas de xestión de catástrofes, as infraestruturas e os enfoques ecosistémicos)». En concreto, a actuación referida coa letra a) na operación «Redacción do proxecto construtivo para a apertura do encoro de Carballo no río Belelle. Neda (A Coruña) «e a actuación referida coa letra b) na operación «Melloras para a prevención do risco de inundación da ARPSI Fluvial ES014-CO-14-01-02 Río Belelle. Neda (A Coruña)».

Santiago de Compostela, 15 de outubro de 2025

A presidenta de Augas de Galicia
P.D. (Resolución do 30.1.2012; DOG núm. 21, do 31 de xaneiro)
Roi Fernández Añón
Director de Augas de Galicia