Mediante a Resolución do 30 de xullo de 2025 (DOG número 155, do 14 de agosto) publicouse o procedemento de homologación das entidades provedoras para a prestación de servizos de ciberseguridade ás empresas galegas no marco do programa Empresa cibersegura 2025 (código de procedemento IG408P).

As ditas bases establecen no seu artigo 14 que o anuncio da publicación do texto completo da resolución definitiva no enderezo https://spiga-sede.igape.es será obxecto de publicación no Diario Oficial de Galicia, de acordo co artigo 45 da Lei 39/2015.

Na súa virtude, e de conformidade coas facultades que teño conferidas,

RESOLVO:

Primeiro. Anunciar a publicación do texto completo da Resolución definitiva do 27 de outubro de 2025 de homologación das entidades provedoras para a prestación de servizos de ciberseguridade ás empresas galegas no marco do programa Empresa cibersegura 2025 no enderezo https://www.igape.gal/gl/resolucions-definitivas e https://spiga-sede.igape.es

O texto completo da resolución non se publica no DOG na súa integridade en virtude da cautela prevista no artigo 46 da Lei 39/2015, do 1 de outubro, do procedemento administrativo común das administracións públicas.

Segundo. A resolución definitiva do 27 de outubro de 2025 esgota a vía administrativa e contra ela poderá interporse recurso contencioso-administrativo ante os xulgados do contencioso-administrativo de Santiago de Compostela no prazo de dous meses, contados a partir do día seguinte ao da publicación desta resolución no Diario Oficial de Galicia. Non obstante, poderá interpor previamente un recurso de reposición ante a persoa titular da Dirección Xeral do Igape, dentro do prazo dun mes contado a partir do día seguinte ao da publicación desta resolución no Diario Oficial de Galicia.

Santiago de Compostela, 28 de outubro de 2025

Covadonga Toca Carús
Directora xeral do Instituto Galego de Promoción Económica