Examinada a solicitude de deslindamento formulada polos representantes do MVMC Portela e D’Arriba, pertencente á CMVMC de Xermeade, e mais o MVMC Corro do Mouro ou Coto de Maus, pertencente á CMVMC de Corro do Mouro ou Coto de Maus, no concello de Muíños, resultan os seguintes:

Feitos:

Primeiro. O 5 de maio de 2025 a CMVMC de Xermeade presentou un escrito (Rexel 2025/1233460) en que solicitan a aprobación dun deslindamento coa CMVMC da parroquia das Maus de Salas.

Coa solicitude achegou a seguinte documentación:

– Acta de deslindamento.

– Acta de conciliación presentada no Xulgado de Paz de Muíños.

– Certificacións dos acordos das respectivas asembleas xerais.

– Memoria de deslindamento.

Segundo. O informe do Servizo de Montes do Departamento Territorial de Ourense do 14 de maio de 2025 fai constar que a documentación achegada corresponde ao deslindamento do perímetro estremeiro entre o MVMC Portela e D’Arriba, pertencente á CMVMC de Xermeade, e mais o MVMC Corro do Mouro ou Coto de Maus, pertencente á CMVMC da parroquia das Maus de Salas, desde o vértice 1 (o situado máis ao N) ata a o vértice 9 (o situado máis ao S).

Logo de analizar os vértices e a súa localización obsérvase que:

• No punto inicial da liña conflúe tamén o MVMC Laxa Corga, Rebordechá e Leboreiro, San Martín e Val do Santo, e Almocela o cal non participa da avinza, de xeito que o dito punto ten a consideración, de acordo coa propia acta de deslindamento, de punto auxiliar que permite determinar a dirección da liña no tramo inicial.

O citado informe considera que a solicitude se axusta ao establecido no artigo 53 da Lei 7/2012, do 28 de xuño, de montes de Galicia, polo que propón ao Xurado Provincial a súa aprobación.

Consideracións legais e técnicas:

Primeiro. A presente resolución dítase o abeiro do artigo 53 do Regulamento para a execución da Lei 13/1989, do 10 de outubro, de montes veciñais en man común, aprobado polo Decreto 260/1992, do 4 de setembro, e de conformidade co disposto na Lei 39/2015, do 1 de outubro, do procedemento administrativo común das administracións públicas.

Segundo. O artigo 53 da Lei 7/2012, do 28 de xuño, de montes de Galicia, recolle o procedemento que se debe seguir no deslindamento entre montes veciñais en man común e establece que o Xurado Provincial de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

De acordo cos feitos e fundamentos de dereito expostos, e tendo en conta o informe favorable do Servizo de Montes do día 14 de maio de 2025, o Xurado Provincial de Montes Veciñais en Man Común acordou por unanimidade o día 6 de outubro de 2025:

Aprobar o acto de conciliación acadado polas xuntas reitoras do MVMC Portela e D’Arriba, pertencente á CMVMC de Xermeade, e mais o MVMC Corro do Mouro ou Coto de Maus, pertencente á CMVMC de Corro do Mouro ou Coto de Maus, no concello de Muíños.

Contra esta resolución, que pon fin á vía administrativa, poderase interpoñer recurso potestativo de reposición perante o Xurado Provincial de Clasificación de Montes Veciñais en Man Común de Ourense no prazo dun mes, ou ben directamente recurso contencioso-administrativo perante o Xulgado do Contencioso-Administrativo de Ourense, no prazo de dous meses contados desde o día seguinte ao desta notificación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.

Ourense, 20 de outubro de 2025

José Antonio Armada Pérez
Presidente do Xurado Provincial de Clasificación
de Montes Veciñais en Man Común de Ourense