De conformidade co disposto nos artigos 44, 45 e 46 da Lei 39/2015, do 1 de outubro, do procedemento administrativo común das administracións públicas, por motivos de interese público que o fan aconsellable, dado que o titular rexistral do barco, Plácido Manuel Valdomar Canosa, rexeita a notificación no sistema Notifica.gal, faise pública, mediante a publicación no Boletín Oficial del Estado, a Orde do 20 de outubro de 2025, da Dirección da entidade pública Portos de Galicia, para que se proceda no prazo máximo de 5 días contado desde a publicación desta cédula, á retirada da embarcación Ganges V, con matrícula VILL-5ª-3-3-92, da zona de carga e descarga da lonxa do porto de Fisterra.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.
Esta orde emítese en aplicación do previsto no artigo 129.4 da Lei 6/2017, do 12 de decembro, de portos de Galicia, por atoparse a embarcación inactiva e atracada sen autorización no lugar indicado.
No caso de incumprirse esta orde, Portos de Galicia, de acordo coa norma antes citada, reserva para si o dereito de retirar o buque de maneira forzosa e por conta do propietario, ao cal lle pasará o oportuno custo.
Advírtese, igualmente, que, dada a inactividade da embarcación, Portos de Galicia podería igualmente iniciar o procedemento establecido no artigo 128 da Lei de portos de Galicia para declarar a embarcación en estado de abandono e proceder á súa incautación.
Infórmase, finalmente, de que, nos termos da Orde que xa foi emitida pola Zona Centro de Portos de Galicia o 5 de setembro de 2025, se liquidará a tarifa portuaria X-2, atracada, de conformidade co previsto na regra décimo primeira de aplicación á tarifa recollida na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, ata que se produza a retirada efectiva da embarcación.
Santiago de Compostela, 31 de outubro de 2025
Juan Sanmartín Ferreiro
Director xeral de Portos de Galicia