DOG 219 do 12/11/2025 - RESOLUCIÓN do 6 de novembro de 2025, da Dirección Xeral de Emprego Público e Administración de Persoal, pola que se fan públicas a actualización provisional de méritos correspondente ao ano 2024 e a baremación provisional dos servizos prestados para o Consorcio Galego de Servizos de Igualdade e Benestar nas listas para a cobertura con carácter transitorio de prazas reservadas a persoal funcionario e a contratación temporal de persoal laboral da Xunta de Galicia.

IV. Oposicións e concursos

Consellería de Facenda e Administración Pública

RESOLUCIÓN do 6 de novembro de 2025, da Dirección Xeral de Emprego Público e Administración de Persoal, pola que se fan públicas a actualización provisional de méritos correspondente ao ano 2024 e a baremación provisional dos servizos prestados para o Consorcio Galego de Servizos de Igualdade e Benestar nas listas para a cobertura con carácter transitorio de prazas reservadas a persoal funcionario e a contratación temporal de persoal laboral da Xunta de Galicia.

O nomeamento de persoal funcionario interino para o desempeño con carácter transitorio de prazas reservadas a funcionarios e a contratación temporal de persoal laboral está regulado no Decreto 37/2006, do 2 de marzo.

O artigo 12 do Decreto 37/2006, do 2 de marzo, modificado polo Decreto 20/2022, do 24 de febreiro, establece que a actualización de méritos será realizada anualmente de oficio pola Administración mediante resolución da persoa titular da dirección xeral competente en materia de función pública, que se publicará no Diario Oficial de Galicia. Nesta resolución darase publicidade á lista provisional.

De conformidade co establecido na disposición adicional primeira da Orde do 20 de xullo de 2021 pola que se desenvolve a disposición transitoria segunda do Decreto 37/2006, do 2 de marzo, e se aproba o modelo normalizado de solicitude (código de procedemento AP522U) (DOG do 30 de xullo), nas listas de natureza funcionarial en xestión que non estivesen afectadas por procesos de funcionarización valoraranse, ao abeiro do artigo 9, letra b), do Decreto 37/2006, os méritos por servizos prestados nas categorías profesionais laborais declaradas equivalentes polo Decreto 165/2019 das que non existan listas de contratación temporal e que non se prevexa que sexan obxecto de procesos de funcionarización.

Por outra banda, de acordo co establecido no artigo 9.b) do Decreto 37/2006, do 2 de marzo, xeran méritos os meses completos de servizos efectivamente prestados na mesma categoría, corpo ou escala, na Administración xeral da Comunidade Autónoma de Galicia ou en entidades públicas instrumentais do sector público autonómico incluídas no artigo 45.a) da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, sempre que neste último caso teñan publicadas as súas relacións de postos de traballo e figuren no ámbito de aplicación do artigo un do presente decreto.

Mediante a Resolución do 24 de febreiro de 2025 (DOG núm. 44, do 5 de marzo) publicouse o Acordo do Consello da Xunta de Galicia, do 27 de decembro de 2024, polo que se aproba a relación de postos de traballo do Consorcio Galego de Servizos de Igualdade e Benestar e, polo tanto, resulta necesario baremar de conformidade co artigo 9 do Decreto 37/2006, do 2 de marzo, os servizos prestados nesta entidade polas persoas xa inscritas nas listas.

No anexo II do dito acordo establécese o réxime transitorio aplicable á relación de postos de traballo do Consorcio Galego de Servizos de Igualdade e Benestar e prevese a substitución das listas propias do Consorcio Galego de Servizos de Igualdade e Benestar polas listas reguladas polo Decreto 37/2006, do 2 de marzo, na data que expresamente se determine na resolución da Dirección Xeral de Emprego Público e Administración de Persoal, que se publicará para tal fin no Diario Oficial de Galicia.

En consecuencia, esta dirección xeral

RESOLVE:

Primeiro. Publicar a actualización provisional de méritos relativos ao ano 2024 das persoas integrantes das listas elaboradas para o desempeño con carácter transitorio de prazas reservadas a persoal funcionario e para a contratación temporal de persoal laboral, que figuran nos anexos I e II.

En aplicación do establecido na disposición adicional primeira da Orde do 20 de xullo de 2021, nas listas para a cobertura transitoria de postos de persoal funcionario da escala de veterinarios (A1-2067) e da escala de ciencias, especialidades de bioloxía (A1-2068) e química (A1-2069), valoraranse, ao abeiro do artigo 9, letra b), do Decreto 37/2006, os méritos por servizos prestados nas categorías profesionais laborais declaradas equivalentes polo Decreto 165/2019.

As puntuacións totais das persoas integrantes das listas para o nomeamento de funcionarios/as interinos/as (anexo I) e a dos integrantes das listas para a contratación temporal de persoal laboral (anexo II), poderán consultarse no portal web corporativo da Xunta de Galicia, http://funcionpublica.xunta.gal, apartado de <Listas de contratación>.

Segundo. Publicar a baremación provisional dos servizos prestados ata o 31 de decembro de 2024 do Consorcio Galego de Servizos de Igualdade e Benestar en categorías, corpos ou escalas en que existen listas para a cobertura con carácter transitorio de prazas reservadas a persoal funcionario e a contratación temporal de persoal laboral da Xunta de Galicia que figuren nos anexos I e II.

As puntuacións totais das persoas integrantes das listas para o nomeamento de funcionarios/as interinos/as (anexo I) e a dos integrantes das listas para a contratación temporal de persoal laboral (anexo II) poderán consultarse no portal web corporativo da Xunta de Galicia, http://funcionpublica.xunta.gal, epígrafe de <Listas de contratación>.

Terceiro. As persoas interesadas disporán dun prazo de 10 días hábiles, contados a partir do día seguinte ao da publicación desta resolución no Diario Oficial de Galicia, para presentar reclamacións ante a Comisión Permanente (Dirección Xeral da Función Pública, Consellería de Facenda e Administración Pública, edificio administrativo San Caetano, s/n, Santiago de Compostela).

Xunto coa reclamación achegarase:

– Certificación de servizos prestados na Administración xeral da Comunidade Autónoma de Galicia ou en entidades públicas instrumentais do sector público autonómico incluídas no artigo 45.a) da Lei 16/2010, do 17 de decembro, no mesmo grupo, categoría, corpo ou escala, nos termos previstos nos artigos 9.b) e 9.bis.a).1 do Decreto 37/2006, segundo o modelo que figura como anexo III desta resolución. A certificación será expedida polas unidades seguintes:

• Servizos centrais:

Secretario/a xeral técnico/a, subdirector/a xeral ou xefes/as de servizo que teñan atribuídas funcións en materia de xestión de persoal, dependentes da secretaría xeral técnica da consellería respectiva ou do ente público instrumental onde estea a prestar servizos ou onde os prestou por última vez.

• Servizos periféricos:

Xefes/as territoriais ou funcionario/a responsable da área de persoal dos departamentos territoriais, directores/as provinciais ou delegados/as comarcais da consellería ou do ente público instrumental onde preste servizos ou onde os prestou por última vez.

– Certificación de servizos prestados no ano 2024 en concellos ou mancomunidades de municipios da Comunidade Autónoma de Galicia na mesma categoría, categorías análogas ou asimilables ás categorías adscritas aos servizos de prevención e defensa contra incendios forestais da Administración xeral da Comunidade Autónoma de Galicia. A certificación axustarase ao modelo que figura como anexo IV da presente resolución e deberá ser asinada polo/a secretario/a do concello.

– Certificación de servizos prestados nas demais entidades públicas instrumentais na mesma categoría, categorías análogas ou asimilables ás categorías adscritas aos servizos de prevención e defensa contra incendios forestais da Administración xeral da Comunidade Autónoma de Galicia. A certificación axustarase ao modelo que figura como anexo IV da presente resolución e deberá ser asinada polo/a órgano da entidade con competencia para certificar en materia de persoal.

Unha vez realizadas as emendas procedentes, daráselles publicidade ás puntuacións definitivas mediante a publicación da oportuna resolución no Diario Oficial de Galicia.

Santiago de Compostela, 6 de novembro de 2025

Nuria Aguilar Vázquez
Directora xeral de Emprego Público e Administración de Persoal

ANEXO I

Corpos e escalas (persoal funcionario)

Grupo	Corpo/escala	Denominación
A1	205G	Escala de sistemas e tecnoloxía da información
A1	2060	Corpo superior da Administración xeral da Comunidade Autónoma de Galicia
A1	2061	Escala de arquitectos
A1	2062	Escala de enxeñeiros/as. Especialidade Enxeñaría de camiños, canais e portos
A1	2063	Escala de enxeñeiros/as. Especialidade Enxeñaría agronómica
A1	2064	Escala de enxeñeiros/as. Especialidade Enxeñaría industrial
A1	2065	Escala de enxeñeiros/as. Especialidade Enxeñaría de minas
A1	2066	Escala de enxeñeiros/as. Especialidade Enxeñaría de montes
A1	2067	Escala de veterinarios
A1	2068	Escala de ciencias. Especialidade Bioloxía
A1	2069	Escala de ciencias. Especialidade Química
A1	206K	Escala de facultativos de arquivos, bibliotecas e museos. Especialidade Arquivos
A1	206L	Escala de facultativos de arquivos, bibliotecas e museos. Especialidade Bibliotecas
A1	206M	Escala de facultativos de arquivos, bibliotecas e museos. Especialidade Museos
A1	2072	Escala de arqueólogos
A1	207J	Escala superior de saúde laboral
A1	207K	Escala superior de seguridade e saúde no traballo. Especialidade Seguridade no traballo
A1	207L	Escala superior de seguridade e saúde no traballo. Especialidade Hixiene industrial
A1	207M	Escala superior de seguridade e saúde no traballo. Especialidade Ergonomía e psicosocioloxía aplicada
A1	2080	Escala de enxeñeiros/as. Especialidade Enxeñaría de telecomunicación
A1	2083	Escala superior de estatísticos
A1	2086	Escala superior de finanzas
A1	208F	Escala de facultativos. Especialidade Medicina
A1	208G	Escala de facultativos. Especialidade Psicoloxía
A1	208H	Escala de facultativos. Especialidade Pedagoxía
A1	2093-01	Escala de profesores numerarios de institutos politécnicos marítimo-pesqueiros. Especialidade en lexislación marítima
A1	2093-02	Escala de profesores numerarios de institutos politécnicos marítimo-pesqueiros. Especialidade en procesos de cultivo acuícola
A1	2093-03	Escala de profesores numerarios de institutos politécnicos marítimo-pesqueiros. Especialidade en navegación marítima
A1	2093-04	Escala de profesores numerarios de institutos politécnicos marítimo-pesqueiros. Especialidade en pesca marítima/bioloxía pesqueira.
A1	2093-05	Escala de profesores numerarios de institutos politécnicos marítimo-pesqueiros. Especialidade en inglés marítimo
A1	2093-06	Escala de profesores numerarios de institutos politécnicos marítimo-pesqueiros. Especialidade en medicina subacuática e hiperbárica
A1	2093-07	Escala de profesores numerarios de institutos politécnicos marítimo-pesqueiros. Especialidade en intervencións subacuáticas e hiperbáricas
A1	2093-08	Escala de profesores numerarios de institutos politécnicos marítimo-pesqueiros. Especialidade en comunicacións
A1	2093-09	Escala de profesores numerarios de institutos politécnicos marítimo-pesqueiros. Especialidade en máquinas e instalacións mariñas
A1	2093-10	Escala de profesores numerarios de institutos politécnicos marítimo-pesqueiros. Especialidade en procesos sanitarios
A1	2093-11	Escala de profesores numerarios de institutos politécnicos marítimo-pesqueiros. Especialidade en formación e orientación laboral
A1	210A	Escala de inspección urbanística
A2	2051	Corpo de xestión da Administración xeral da Comunidade Autónoma de Galicia
A2	2052	Escala de enxeñeiros técnicos. Especialidade Enxeñaría técnica forestal
A2	205F	Escala técnica de finanzas
A2	205H	Escala de xestión de sistemas de informática
A2	206I	Escala de inspección turística
A2	206N	Escala de axudantes de arquivos, bibliotecas e museos. Especialidade Arquivos
A2	206P	Escala de axudantes de arquivos, bibliotecas e museos. Especialidade Bibliotecas
A2	206Q	Escala de axudantes de arquivos, bibliotecas e museos. Especialidade Museos
A2	206X	Escala de inspectoras e inspectores de consumo
A2	2073	Escala de arquitectos técnicos
A2	2074	Escala de enxeñeiros técnicos. Especialidade Enxeñaría técnica de obras públicas
A2	2075	Escala de enxeñeiros técnicos. Especialidade Enxeñaría técnica industrial
A2	2076	Escala de enxeñeiros técnicos. Especialidade Enxeñaría técnica en Topografía
A2	2077	Escala de enxeñeiros técnicos. Especialidade Enxeñaría técnica agrícola
A2	2079	Escala de enxeñeiros técnicos. Especialidade Enxeñaría técnica de minas
A2	2085	Escala técnica de estatísticos
A2	2094-01	Escala de mestres de taller de institutos politécnicos marítimo-pesqueiros. Especialidade en traballos técnicos de mergullo
A2	2094-02	Escala de mestres de taller de institutos politécnicos marítimo-pesqueiros. Especialidade en máquinas e produción
A2	2094-03	Escala de mestres de taller de institutos politécnicos marítimo-pesqueiros. Especialidade en servizos ao buque
A2	2097	Escala de axentes de extensión pesqueira
A2	209D	Escala de técnicos facultativos. Especialidade Educador Infantil
A2	209T	Escala técnica de orientación laboral
A2	208A	Escala de técnicos facultativos. Especialidade Enfermaría
A2	208B	Escala de técnicos facultativos. Especialidade Fisioterapia
A2	208C	Escala de técnicos facultativos. Especialidade Educadores
A2	208D	Escala de técnicos facultativos. Especialidade Terapia ocupacional
A2	208E	Escala de técnicos facultativos. Especialidade Traballo social
A2	207N	Escala técnica de saúde laboral
A2	207P	Escala técnica de seguridade e saúde no traballo. Especialidade Seguridade no traballo
A2	210B	Escala de subinspección urbanística
C1	209E	Escala técnica de mantemento de servizos
C1	209G	Escala técnica de cociña
C1	209H	Escala técnica de condución
C1	209I	Escala técnica de análises de laboratorio
C1	209O	Escala de axentes de inspección. Especialidade vixilancia de estradas
C1	209U	Escala técnica do Servizo de Prevención e Defensa contra Incendios Forestais. Especialidade Bombeiro forestal xefe de brigada
C1	20B6	Escala técnica de recursos naturais e forestais. Especialidade Capataz
C1	20D5	Escala de axentes técnicos facultativos. Especialidade Animación sociocultural
C1	208I	Escala de axentes de inspección. Especialidade Mobilidade
C1	208J	Escala de axentes técnicos facultativos. Especialidade Xardín de infancia
C1	2053	Corpo administrativo da Administración xeral da Comunidade Autónoma de Galicia
C1	205I	Escala técnica auxiliar de informática
C1	207C-02	Escala de axentes do Servizo de Gardacostas de Galicia
C1	207H	Escala de axentes facultativos ambientais (a extinguir)
C1	207V	Escala operativa do Servizo de Gardacostas de Galicia. Especialidade Patrón
C1	207W	Escala operativa do Servizo de Gardacostas de Galicia. Especialidade Mecánico
C1	2081	Escala de delineantes (a extinguir)
C2	2059	Corpo auxiliar da Administración xeral da Comunidade Autónoma de Galicia
C2	209M	Escala auxiliar de arquivos, bibliotecas e museos. Especialidade arquivos e bibliotecas
C2	209N	Escala auxiliar de arquivos, bibliotecas e museos. Especialidade museos
C2	208N	Escala auxiliar de mantemento
C2	208P	Escala auxiliar de laboratorio
C2	208Q	Escala auxiliar de condución
C2	207S	Escala auxiliar do Servizo de Prevención e Defensa contra Incendios Forestais. Especialidade emisorista/vixilante/a fixo/a
C2	207T	Escala auxiliar do Servizo de Prevención e Defensa contra Incendios Forestais. Especialidade bombeiro forestal-condutor de motobomba
C2	207U	Escala auxiliar do Servizo de Prevención e Defensa contra Incendios Forestais. Especialidade bombeiro forestal
C2	207X	Escala de garda de recursos naturais
C2	207Y	Escala auxiliar de coidadores
C2	207Z	Escala auxiliar de cociña
C2	20D0	Escala auxiliar de recursos naturais e forestais. Especialidade oficial
C2	20A3	Escala de auxiliares de clínica
	2055	Agrupación profesional do persoal funcionario da Administración xeral da Comunidade Autónoma de Galicia. Escala de persoal subalterno
	209R	Agrupación profesional do persoal funcionario da Administración xeral da Comunidade Autónoma de Galicia. Escala de persoal de limpeza e recursos naturais e forestais. Especialidade Persoal de limpeza e cociña.

ANEXO II

Grupos e categorías (persoal laboral)

Grupo	Categoría	Denominación
I	032	Técnico/a superior en centros de arte
I	038	Técnico/a superior defensa contra incendios forestais
II	005	Profesor/a. Profesor/a titular. Profesor/a EXB. Mestre/a. Profesor/a de educación física. Profesor/a de matemáticas
II	031	Restaurador/a
II	033	Profesor/a de danza clásica
II	038	Perito/a-xudicial diplomado/a
II	039	Técnico/a forestal defensa contra incendios forestais
III	003	Controlador/a pecuario/a. Axudante/a técnico/a pecuario/a
III	012	Mestre/a de taller
III	018	Marcador/a de metais preciosos
III	034	Especialista de oficios (debuxante)
III	036	Experto/a audiovisuais
III	037	Técnico/a de son
III	039	Rexedor/a de escena
III	045	Técnico/a de luces
III	052	Tradutor/a. Intérprete da Administración de xustiza
III	053	Técnico/a en restauración cinematográfica
III	066	Axudante/a taller. Adxunto/a taller
III	088	Capataz de explotacións marisqueiras
III	097	Auxiliar de son
III	098	Auxiliar de luces
III	100	Bombeiro/a forestal xefe/a de brigada
III	101	Proxeccionista
III	102	Encadernador/a
III	103	Entrevistador/a-enquisador/a
III	104	Intérprete de linguaxe de signos
IV	002	Auxiliar mecánico/a. Oficial/a 2ª mecánico/a. Mecánico/a reparación obras
IV	007	Garda xuramentado/a fluvial. Garda explotación
IV	020	Conserxe (cando teñan ao seu cargo persoal subalterno ou ordenanza)
IV	021	Oficial/a 2ª carpinteiro/a. Auxiliar carpintaría
IV	023	Mestre/a gaiteiro/a
IV	024	Xastre/a
IV	025	Cargador/a. Tremoieiro/a
IV	031	Legoeiro/a
IV	032	Operador/a codificador/a de datos de defensa contra incendios forestais
IV	033	Bombeiro/a forestal condutor/a de motobomba
IV	034	Axudante/a restauración e proxección cinematográfica
IV	037	Oficial/a 2ª mecánico máquinas defensa contra incendios forestais
IV	039	Auxiliar de autopsia
V	003-02	Resolución 26 de xuño de 2018 (DOG núm. 122, do 27 de xuño). Ordenanza. Celador/a. Vixilante oficinas. Vixilante nocturno/a. Vixilante. Subalterno/a. Porteiro/a. Recepcionista. Telefonista. Sereno/a. Garda. Garda xuramentado
V	008	Peón/oa agrario/a
V	10A	Vixilante móbil defensa contra incendios forestais
V	10B	Vixilante fixo/a de defensa contra incendios forestais
V	10C	Emisorista de defensa contra incendios forestais. Escoita incendios
V	10D	Socorrista
V	10F	Peón/oa forestal
V	014	Bombeiro/a forestal
V	14A	Bombeiro/a forestal condutor/a