O Pleno da corporación municipal, na sesión ordinaria do 30 de outubro de 2025, aprobou inicialmente a modificación puntual nº 1 (non substancial) do Plan xeral de ordenación municipal (PXOM), acordo que ten o seguinte contido:

«1º. Aprobar inicialmente a modificación puntual nº 1 (non substancial) do PXOM de Ordes.

2º. Someter a modificación puntual do plan aprobada inicialmente, con todos os documentos integrantes do expediente tramitado, a un trámite de información pública durante un prazo dun mes, mediante anuncio que se publicará no Diario Oficial de Galicia e nun dos xornais de maior difusión na provincia.

3º. Simultaneamente, solicitaranse os informes sectoriais necesarios e trasladarase a documentación ao órgano competente en materia de urbanismo, o cal solicitará os informes sectoriais autonómicos preceptivos».

O prazo da exposición pública do expediente iniciarase o día seguinte ao de publicación deste anuncio no Diario Oficial de Galicia.

A documentación do expediente estará á disposición das persoas interesadas no Servizo de Urbanismo, de luns a venres, das 9.00 ás 14.00 horas.

O documento que integra o PXOM aprobado inicialmente poderá consultarse na web municipal (www.ordes.gal).

Ordes, 3 de novembro de 2025

José Luis Martínez Sanjurjo
Alcalde presidente