DOG 225 do 20/11/2025 - ACORDO do 29 de outubro de 2025, do Departamento Territorial da Coruña, polo que se somete a información pública a solicitude de outorgamento das autorizacións administrativas previa e de construción e de declaración de utilidade pública, en concreto, dunha instalación de distribución de enerxía eléctrica no concello de Oza-Cesuras (expediente IN407A 2024/311-1).

VI. Anuncios

a) Administración autonómica

Consellería de Economía e Industria

ACORDO do 29 de outubro de 2025, do Departamento Territorial da Coruña, polo que se somete a información pública a solicitude de outorgamento das autorizacións administrativas previa e de construción e de declaración de utilidade pública, en concreto, dunha instalación de distribución de enerxía eléctrica no concello de Oza-Cesuras (expediente IN407A 2024/311-1).

Expediente: IN407A 2024/311-1.

Solicitante: UFD Distribución Electricidad, S.A.

Denominación: LMT, CT e RBT Campiña.

Concello: Oza-Cesuras.

1. Características técnicas:

• Novo centro de transformación intemperie con transformador de 50 kVA e con relación de transformación 15/0,4 V en apoio de celosía de tipo C-3000/14.

• Liña de media tensión aérea (LMTA), de 581 m de lonxitude, condutor LA-56, de 15 kV, con orixe en derivada nun novo apoio proxectado que se vaia intercalar a LMT CES705 e final con CTI proxectado.

2. Lexislación de aplicación:

• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

• Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

• Lei 24/2013, do 26 de decembro, do sector eléctrico (BOE núm. 310, do 27 de decembro).

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

• Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).

• Lei do 16 de decembro de 1954, sobre expropiación forzosa (BOE núm. 351, do 17 de decembro).

• Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará á disposición das persoas interesadas nas dependencias da Sección de Enerxía do Departamento Territorial da Consellería de Economía e Industria da Coruña (rúa Vicente Ferrer, número 2-2º andar, 15071 A Coruña), entre as 9.00 e as 14.00 horas, de luns a venres, así como no taboleiro de anuncios do concello. Ademais, poderá consultarse no Portal de transparencia e goberno aberto desta consellería:

https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte

Isto faise público para coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos. Poderán examinar a documentación técnica e, se é o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da última publicación deste acordo.

A Coruña, 29 de outubro de 2025

Isidoro Martínez Arca
Director territorial da Coruña

ANEXO

Relación de bens e dereitos afectados. Concello de Oza-Cesuras

Nº parcela	Lugar e referencia catastral	Cultivo	Propietario/a	Afección de solo en pleno dominio		Afección de solo por servidume de paso de enerxía eléctrica
Nº parcela	Lugar e referencia catastral	Cultivo	Propietario/a	Apoio nº	m2	ml aér.	ml sot.	m2 aér.	m2 sot.
1	Bullo Escabezado 15064B509010490000YD	Rústico. Agrario. Matogueira	Antonio López Sánchez	1	2,0	30,56		345,0
2	Chousa 15064B509010820000YK	Rústico. Agrario. Eucaliptus	José Mario Vilariño, Martínez			67,64		832,0
3	Tarreo da Porta 15064B509011160000Y	Rústico. Agrario. Prados ou praderías	Manuel Sánchez Bermúdez	2	2,0	6,4		134,0
4	Chousa de Roda 15064B509010830000YR	Rústico. Agrario. Prados ou praderías	Hrdos. de Isaura Martín Seoane			119,98		1.918,0
5	Chousa da Roda 15064B509010850000YX	Rústico. Agrario. Prados ou praderías	Encarnación Bermúdez Díaz	3	2,0	48,74		11,89
6	Chousa de Arriba 15064B509010860000YI	Rústico. Agrario. Eucaliptus	Manuel Sánchez Bermídez			36,78		1.189,0
7	Revolta da Campiña 15064B509007250000YS	Rústico. Agrario. Matogueira	José Novo Bermúdez			0,0		475,0
8	Revolta 15064B509007240000YE	Rústico. Agrario. Matogueira	Manuel Gutiérrez García			0,0		511,0
9	Alto 15064B509010880000YE	Rústico. Agrario. Matogueira	Luis Bautista Balle	4	2,0	18,4		459,0
10	Alto 15064B509010890000YS	Rústico. Agrario. Eucaliptus	Balbina Sánchez Bermúdez	5 (CTI)	2,0	13,34		482,0
11	Revolta 15064B509007230000YJ	Rústico. Agrario. Matogueira	Avelia Couceiro Rilo			0,0		114,0

Abreviacións:

ml aér.: lonxitude da servidume aérea en metros lineais.

m2 aér.: superficie de servidume aérea en m2.

ml sot.: lonxitude da servidume soterrada en metros lineais.

m2 sot.: superficie de servidume soterrada.