No Diario Oficial de Galicia núm. 227, do 29 de novembro de 2023, publicouse a Orde do 24 de novembro de 2023 pola que se determinan os servizos mínimos durante a folga convocada para os días 30 de novembro e 14 de decembro de 2023, que afectará o persoal incluído no ámbito de aplicación do convenio colectivo para os establecementos sanitarios de hospitalización, asistencia, consulta e laboratorios de análises clínicas da provincia da Coruña.

Mediante este anuncio, para xeral coñecemento, publícase a parte dispositiva da Sentenza 15/2025, do 27 de xaneiro de 2025, ditada no procedemento ordinario 7352/2024 pola Sección Terceira da Sala do Contencioso-Administrativo do Tribunal Superior de Xustiza de Galicia, que ten o carácter de firme:

«Estimar en parte o recurso contencioso-administrativo interposto polo representante procesual da Confederación Intersindical Galega (CIG) contra a Orde do conselleiro de Sanidade, do 24 de novembro de 2023, pola que se determinan os servizos mínimos durante a folga convocada para os días 30 de novembro e 14 de decembro de 2023, que afectará o persoal incluído no ámbito de aplicación do convenio colectivo para os establecementos sanitarios de hospitalización, asistencia, consulta e laboratorio de análises clínicas da provincia da Coruña; en consecuencia, anulamos os puntos 3, 4, 5, 6 e 8 epígrafe A) e os puntos 3 e 4 da epígrafe B), ambas as dúas do artigo 1 daquela orde, así como os tres primeiros parágrafos do seu artigo 2, e ordenamos a ese departamento sanitario que publique no Diario Oficial de Galicia as epígrafes anuladas, sen dereito a ningunha indemnización, pero si a recibir ata un máximo de 1.500,00 euros en concepto de custas procesuais».

Santiago de Compostela, 11 de novembro de 2025

Antonio Gómez Caamaño
Conselleiro de Sanidade