BDNS (Identif.): 870096.

De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria, cuxo texto completo se pode atopar na Base de datos nacional de subvencións:

https://www.infosubvenciones.es/bdnstrans/GE/es/convocatoria/870096

Primeiro. Persoas beneficiarias

Membros dos equipos emprendedores das ideas que pertenzan a algún dos seguintes colectivos: estudantado matriculado na Universidade de Vigo en estudos de grao ou máster universitario no curso 2025/26, persoas tituladas en titulacións oficiais pola Universidade de Vigo no curso 2022/2023 ou posteriores e estudantado matriculado en titulacións oficiais ou persoas tituladas noutras universidades españolas no curso 2022/2023 ou posteriores, sempre que estes non superen o 50 % dos membros do equipo.

Segundo. Obxecto

O obxecto desta convocatoria é a concesión de axudas que contribúan á aceleración de Proxectos emprendedores promovidos por estudantes ou persoas recentemente tituladas da Universidade de Vigo co fin de que estas poidan validar a idea e analizar a existencia dunha demanda real no mercado.

Terceiro. Bases reguladoras

Resolución pola que se convoca a X edición do programa INCUVI-Avanza desta universidade.

Cuarto. Contía

O importe máximo do crédito orzamentario ascende a dez mil euros (10.000 €).

Quinto. Prazo de presentación de solicitudes

Desde o 19 de novembro ata o 10 de decembro de 2025.

Vigo, 18 de novembro de 2025

O reitor da Universidade de Vigo
P.D. (Resolución do 30.5.2024; DOG do 10 de xuño)
Natalia Caparrini Marín
Vicerreitora de Estudantado e Empregabilidade