De conformidade coa proposta elevada polas comisións nomeadas para xulgar os concursos para a provisión de prazas dos corpos docentes universitarios, convocados mediante Resolución desta universidade, do 7 de xullo de 2025 (BOE do 15 de xullo), e presentada polas persoas interesadas a documentación a que fai referencia a base novena da convocatoria, este reitorado, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolve efectuar os nomeamentos das persoas que se relacionan no anexo.

Os citados nomeamentos producirán efecto a partir da correspondente toma de posesión polas persoas interesadas, que se deberá efectuar no prazo máximo de vinte (20) días contados desde o día seguinte ao da publicación desta resolución no Boletín Oficial del Estado.

No caso de que a persoa aspirante se encontre en situación de incapacidade temporal, o prazo para a toma de posesión comezará a partir do día seguinte hábil ao da data de finalización da alta médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, en que poderán tomar posesión durante esta situación.

Contra esta resolución, que pon fin á vía administrativa, poderase interpoñer recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous meses contados desde o seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición, no prazo dun mes, ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 25 de novembro de 2025

Antonio López Díaz
Reitor da Universidade de Santiago de Compostela

ANEXO

Nº de concurso	Nome	Apelidos	DNI	Corpo docente	Área de coñecemento	Departamento	Localidade	Código da praza
5T/25	Ruth	Rodríguez Bermúdez	***8277**	Profesoras e profesores titulares de universidade	Produción Animal	Anatomía, Produción Animal e Ciencias Clínicas Veterinarias	Lugo	C02063
14T/25	Raúl	Eirín Nemiña	***5530**	Profesoras e profesores titulares de universidade	Didáctica da Expresión Corporal	Didácticas Aplicadas	Santiago de Compostela	C02072
23T/25	Alejandro	Catalá Bolós	***9182**	Profesoras e profesores titulares de universidade	Ciencias da Computación e Intelixencia Artificial	Electrónica e Computación	Santiago de Compostela	C02081
27T/25	Alejandro	Saavedra Nieves	***7339**	Profesoras e profesores titulares de universidade	Estatística e Investigación Operativa	Estatística, Análise Matemática e Optimización	Santiago de Compostela	C02085
28T25	José	Ameijeiras Alonso	***5023**	Profesoras e profesores titulares de universidade	Estatística e Investigación Operativa	Estatística, Análise Matemática e Optimización	Santiago de Compostela	C02086
31C/25	Joel	Varela Rodríguez	***6788**	Profesoras e profesores titulares de universidade	Filoloxía Latina	Filoloxía Clásica, Francesa e Italiana	Santiago de Compostela	C02089
38T/25	Ángel	Miramontes Carballada	***6675**	Profesoras e profesores titulares de universidade	Xeografía	Xeografía Humana	Santiago de Compostela	C02096
42T/25	María Sonia	Freire Leira	***5994**	Profesoras e profesores titulares de universidade	Enxeñaría Química	Enxeñaría Química	Santiago de Compostela	C02100
63T/25	Bernardo	Sopeña Pérez-Argüelles	***9492**	Profesoras e profesores titulares de universidade	Medicina	Psiquiatría, Radioloxía, Saúde Pública, Enfermaría e Medicina	Santiago de Compostela	C02121
64T/25	Francisco	Gude Sampedro	***3924**	Profesoras e profesores titulares de universidade	Medicina	Psiquiatría, Radioloxía, Saúde Pública, Enfermaría e Medicina	Santiago de Compostela	C02122