Solicitante: UFD Distribución Electricidad, S.A.

Denominación: Regulamentación da LMTA CRG805 entre os apoios núm. 108 e núm. 108-A-12-CT (Castroverde).

Concello: Castroverde.

Antecedentes de feito:

Primeiro. O 4.8.2023 (número de rexistro entrada 2023/2230392), a empresa UFD Distribución Electricidad, S.A. solicitou a autorización administrativa previa, autorización administrativa de construción e declaración de utilidade pública da instalación eléctrica denominada Regulamentación LMTA CRG805 entre os apoios núm. 108 e núm. 108-A-12-CT (Castroverde).

Dentro da tramitación regulamentaria solicitóuselles o informe preceptivo ás distintas entidades afectadas, consonte o artigo 127 do Real decreto 1955/2000, do 1 de decembro,polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

Segundo. O proxecto someteuse a información pública para os efectos previstos na Lei 24/2013, do 26 de decembro, do sector eléctrico, e no Real decreto 1955/2000, do 1 de decembro, mediante a Resolución do 22 de marzo de 2024. Esta resolución foi publicada no DOG núm. 78, do 19 de abril.

Terceiro. O 16.4.2024, o Servizo de Enerxía e Minas deste órgano administrativo notificoulle a UFD Distribución Electricidad, S.A. un requirimento de emenda da dita solicitude, que foi contestado polo promotor o 25.4.2024.

Cuarto. O 26.7.2024 (número de rexistro entrada 2024/2312838), UFD Distribución Electricidad, S.A. presentou a desistencia da solicitude de autorización administrativa previa, autorización administrativa de construción e declaración de utilidade pública da dita instalación eléctrica.

Fundamento xurídicos:

Primeiro. No artigo 94.1 da Lei 39/2015, do 1 de outubro, do procedemento administrativo común das administracións públicas, establécese que toda persoa interesada poderá desistir da súa solicitude ou, cando non estea prohibido polo ordenamento xurídico, renunciar aos seus dereitos.

Segundo. No artigo 94.4 da Lei 39/2015, do 1 de outubro, do procedemento administrativo común das administracións públicas, sinálase que a Administración aceptará de plano a desistencia ou a renuncia e declarará concluso o procedemento salvo que, despois de comparecer nel terceiras persoas interesadas, estas instasen a súa continuación no prazo de dez días desde que fosen notificados da desistencia ou renuncia.

Á vista dos preceptos citados e unha vez analizado o expediente, considerando que non existen terceiras persoas interesadas ou afectadas, este departamento territorial entende que non existe inconveniente ningún en aceptar de plano a desistencia solicitada.

Este departamento territorial, de acordo con todo o que antecede e no exercicio das competencias que ten atribuídas,

RESOLVE:

Primeiro. Acordar a desistencia formulada pola empresa promotora.

Segundo. Declarar rematado o procedemento, así como o arquivamento do expediente.

Contra esta resolución, que non é definitiva en vía administrativa, cabe interpor recurso de alzada ante a conselleira de Economía e Industria no prazo dun mes contado a partir do día seguinte ao da súa notificación ou publicación, nos termos establecidos nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que as persoas interesadas poidan interpor calquera outro recurso que se xulgue pertinente.

Lugo, 20 de novembro de 2025

Gustavo José Casasola de Cabo
Director territorial de Lugo