A Orde do 13 de xuño de 2025 pola que se convocan os premios extraordinarios na modalidade de ensinanzas artísticas profesionais nos ámbitos de música, de danza e de artes plásticas e deseño na Comunidade Autónoma de Galicia, correspondentes ao curso 2024/25 (código de procedemento ED311F) (DOG núm. 123, do 30 de xuño), establece no seu artigo 14.3 que o órgano instrutor elevará un informe proposta de adxudicacións e exclusións á persoa titular da Dirección Xeral de Formación Profesional, quen emitirá a correspondente resolución de adxudicación dos premios para a súa publicación no Diario Oficial de Galicia, por delegación do conselleiro de Educación, Ciencia, Universidades e Formación Profesional.
Unha vez publicadas no portal educativo as puntuacións provisionais e definitivas obtidas polas persoas candidatas, e visto o informe proposta do órgano instrutor, a persoa titular da Dirección Xeral de Formación Profesional
RESOLVE:
Primeiro. Adxudicarlle os premios extraordinarios na modalidade de ensinanzas artísticas profesionais nos ámbitos de música, de danza e de artes plásticas e deseño na Comunidade Autónoma de Galicia, correspondentes ao curso 2024/25, ao alumnado que figura no anexo desta resolución.
Segundo. Esta resolución de adxudicación dos premios poderá ser impugnada mediante recurso potestativo de reposición ante a persoa titular da Consellería de Educación, Ciencia, Universidades e Formación Profesional no prazo dun mes, a partir do día seguinte ao da data de publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente mediante recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses desde tal publicación, segundo prevé o artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 28 de novembro de 2025
María Eugenia Pérez Fernández
Directora xeral de Formación Profesional
ANEXO
Premios extraordinarios na modalidade de ensinanzas artísticas profesionais nos ámbitos de música, de danza e de artes plásticas e deseño na Comunidade Autónoma de Galicia, correspondentes ao curso 2024/25
Ámbito de música:
|
Apelidos e nome |
Centro educativo |
Especialidade |
DNI |
Contía |
|
Ros Sanz, Laura |
Conservatorio Profesional de Música da Coruña |
Violoncello |
***0033** |
1.000 € |
|
Gómez Piñeiro, Anxo |
Centro Autorizado de Música Profesional Contrapunto Histórico de Santiago |
Violín |
***9147** |
1.000 € |
|
Rey Edreira, Mateo |
Conservatorio Profesional de Música da Coruña |
Piano |
***5413** |
1.000 € |
Ámbito de danza:
|
Apelidos e nome |
Centro educativo |
Especialidade |
DNI |
Contía |
|
López Legaspi, Samuel |
Conservatorio Profesional de Danza de Lugo |
Danza contemporánea |
***8504** |
1.000 € |
Ámbito de artes plásticas e deseño:
|
Apelidos e nome |
Centro educativo |
Especialidade |
DNI |
Contía |
|
González Alonso, Mar |
Escola de Arte e Superior de Deseño Antonio Faílde |
Ilustración |
***1090** |
1.000 € |
|
Cao Boluda, Carlota |
Escola de Arte e Superior de Deseño Mestre Mateo |
Xoiaría artística |
***6126** |
1.000 € |