De acordo co previsto no artigo 116 do Regulamento do dominio público hidráulico, aprobado polo Real decreto 849/1986, do 11 de abril, fago público, para xeral coñecemento, que mediante a Resolución do director de Augas de Galicia do 20 de outubro de 2025, e como resultado do expediente incoado para o efecto, autorizouse a modificación das características da concesión outorgada a Coventina Renovables, S.L. para a instalación dun aproveitamento hidroeléctrico no Lago de Meirama, concello de Cerceda, A Coruña, con destino a almacenamento hidráulico de enerxía.

A modificación autorizada implica desprazar a obra de toma 325 m cara ao leste do seu emprazamento orixinal así como o redimensionamento do depósito superior, incrementando a súa capacidade de almacenamento. O resto das infraestruturas do aproveitamento, incluíndo o circuíto hidráulico, túneles de acceso e subestación eléctrica, adáptanse á nova localización do depósito superior e da obra de toma. O caudal máximo derivado e os niveis mínimos de explotación do lago permanecen inalterados respecto da concesión outorgada.

O proxecto deberá ser sometido ao correspondente procedemento de avaliación de impacto ambiental en cumprimento da lexislación vixente. A concesión outorgada quedará condicionada ao pronunciamento ambiental resultado dela. No caso de que do procedemento de avaliación ambiental resulte unha avaliación negativa, esta circunstancia será causa de extinción do dereito concesional.

O presente anuncio tamén será exposto na páxina web deste organismo de conca: http://augasdegalicia.xunta.gal

Santiago de Compostela, 14 de novembro de 2025

José Ángel Someso Anguita
Xefe do Servizo de Tramitación de Autorizacións e Concesións