En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Hermanos Peleteiro, S.L.

DNI: ***5588*.

Expediente: DH.A15.112605.

Volume total anual: 9.572,90 m³/ano.

Caudal máximo instantáneo: 0,3 l/s.

Destino: rega e piscinas.

Orixe: tres pozos de barrena.

Lugar: Colegio Manuel Peleteiro.

Parroquia: O Eixo (San Cristovo).

Concello: Santiago de Compostela.

Descrición do aproveitamento:

O aproveitamento consiste na captación de augas desde tres pozos de barrena, con profundidades de 100, 130 e 135 m, diámetro de 120 mm, e dotadas de bombas de 2 HP de potencia, situados nas parcelas de referencia catastral 15079A004014440000GQ e 000400300NH34D0001WE, e na súa condución mediante tubaxes de 40 e 50 mm de diámetro ata dous alxibes de 70 e 10 m³, desde os que se emprega o caudal para rega de xardíns e instalacións deportivas e piscinas do colexio.

O proxecto pode consultarse na sección participación pública do portal de internet de Augas de Galicia (https://augasdegalicia.xunta.gal), e nas oficinas deste servizo territorial situadas na rúa Tomiño, 16, baixo, 15704 Santiago de Compostela (A Coruña), para facilitar esta consulta poderá solicitar cita previa no teléfono 981 54 49 27.

As persoas interesadas poderán presentar alegacións durante o prazo de vinte días hábiles, contado a partir do día seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 17 de novembro de 2025

Jesús Antonio Manrique Merino
Xefe do Servizo Territorial da Zona Hidrográfica de Galicia Centro