A consellería con competencias en materia de cultura, lingua e xuventude convocou, para o ano 2025, a través da Orde do 19 de decembro de 2024 as subvencións para entidades de acción voluntaria e entidades locais enmarcadas no programa Servizo de voluntariado xuvenil (Diario Oficial de Galicia número 9, do 15 de xaneiro de 2025).

Por Resolución do 14 de abril de 2025, da Dirección Xeral de Xuventude, publicase a Resolución do 11 de abril de 2025 de concesión das subvencións presentadas ao abeiro da dita Orde do 19 de decembro de 2024 (Diario Oficial de Galicia número 79, do 25 de abril de 2025).

O artigo 17 da orde de convocatoria establece a data límite para a presentación da xustificación dos gastos e do cumprimento das accións do proxecto subvencionado para o día 8 de novembro de 2025.

Así mesmo, no dito artigo 17 da orde determínase a documentación necesaria para a xustificación da axuda concedida.

Unha vez revisadas as xustificacións presentadas ao abeiro da dita orde de convocatoria polo órgano encargado da instrución, identificáronse aquelas que non reúnen a documentación necesaria, ben por non tela presentado, ben por conter erros ou por non ser suficiente para a determinación do cumprimento das condicións impostas e da consecución dos obxectivos previstos no acto da concesión da subvención.

O artigo 17.5 da dita orde establece que, transcorrido o prazo establecido de xustificación sen se ter presentado esta ante o órgano administrativo competente, este requirirá a entidade beneficiaria para que no prazo improrrogable de dez días a presente. A falta de presentación da xustificación no dito prazo comportará a perda do dereito ao cobramento total ou parcial da subvención, a exixencia do reintegro e demais responsabilidades establecidas na Lei 9/2007, do 13 de xuño, de subvencións de Galicia. A presentación da xustificación no dito prazo adicional non eximirá a entidade beneficiaria das sancións que, conforme a lei, correspondan.

Así mesmo, o artigo 15 da orde establece que se publicarán no Diario Oficial de Galicia, de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e a correspondente resolución deste procedemento e que esta publicación producirá os efectos de notificación.

Por todo o exposto,

RESOLVO:

1. Ordenar a publicación no Diario Oficial de Galicia do acto de requirimento da documentación xustificativa da axuda concedida, ditado polo órgano instrutor do procedemento con data do 4 de decembro de 2025, no cal se relacionan as entidades que deben emendar as xustificacións e/ou completar a documentación preceptiva exixida segundo o establecido nas bases reguladoras e que figura como anexo a esta resolución.

2. Facer indicación expresa ás entidades beneficiarias que se relacionan no requirimento recollido no anexo para que, no prazo de dez (10) días, contado a partir do día seguinte ao da publicación desta resolución no Diario Oficial de Galicia, emenden a falta ou acheguen os documentos preceptivos conforme se establece na orde de convocatoria. De non o facer, de conformidade co artigo 17.5 da orde, co artigo 28.10 da Lei 9/2007, de 13 de xuño e co artigo 45 do Decreto 11/2009, de 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, comportará a perda do dereito ao cobramento total ou parcial da subvención, a exixencia do reintegro e demais responsabilidades que correspondan.

3. En caso de dúbida, dificultades técnicas ou necesidade de máis información durante o proceso de emenda da documentación das xustificacións, poderán dirixirse á Consellería de Cultura, Lingua e Xuventude a través dos teléfonos 981 95 79 15 ou 881 99 65 30.

Santiago de Compostela, 5 de decembro de 2025

Lara del Carmen Meneses Álvarez
Directora xeral de Xuventude

ANEXO

Requirimento de emenda da documentación xustificativa
das axudas concedidas

Convocatoria: Orde do 19 de decembro de 2024 pola que se regulan as bases que rexerán as subvencións para entidades de acción voluntaria e entidades locais enmarcadas no programa Servizo de voluntariado xuvenil e se procede á súa convocatoria para o ano 2025 (código de procedemento BS320A).

Acto administrativo: requirimento de emenda da documentación xustificativa das axudas concedidas ao abeiro da Orde do 8 de xullo de 2024.

Data do acto: 4 de decembro de 2025.

Órgano competente: Servizo de Voluntariado e Participación.

Efectos: as entidades beneficiarias que a seguir se relacionan terán un prazo máximo de dez (10) días hábiles, contados a partir do día seguinte ao da publicación do acto no Diario Oficial de Galicia, para emendar a falta ou achegar os documentos preceptivos. De non o facer, comportará a perda do dereito ao cobramento total ou parcial da subvención, a exixencia do reintegro e demais responsabilidades que correspondan de conformidade co artigo 17.5 da orde, co artigo 28.10 da Lei 9/2007, de 13 de xuño e co artigo 45 do Decreto 11/2009, de 8 de xaneiro, polo que se aproba o Regulamento da Lei 9/2007, do 13 de xuño.

Relación de expedientes:

Nº expte.	Solicitante	NIF da entidade	Documentación requirida
BS320A 2025/006	Asociación Acción Solidaria de Galicia, Asdegal	G27727593	– Completar a solicitude de inscrición das experiencias voluntarias e dos certificados de experiencias voluntarias (artigo 17.2.a)
BS320A 2025/017	Federación Provincial de Asociacións de Persoas con Discapacidade de Pontevedra. Cogami-Pontevedra	G36704195	– Memoria explicativa das actividades realizadas (artigo 17.2.a): revisar a mención á consellería responsable da orde – Anexo IV: revisar as facturas presentadas para que coincidan coas datas do proxecto presentado – Memoria económica: actualizar os cambios realizados no anexo IV.
BS320A 2025/023	Concello de Padrón	P1506600D	– Completar a solicitude de inscrición das experiencias voluntarias e dos certificados de experiencias voluntarias (artigo 17.3.a)
BS320A 2025/028	Concello da Veiga	P3208400F	– Completar a solicitude de inscrición das experiencias voluntarias e dos certificados de experiencias voluntarias (artigo 17.3.a)
BS320A 2025/029	Concello de Vedra	P1509000D	– Completar a solicitude de inscrición das experiencias voluntarias e dos certificados de experiencias voluntarias (artigo 17.3.a)
BS320A 2025/035	Concello de Ponteareas/Oficina Municipal de Voluntariado	P3604200J	– Memoria explicativa (artigo 17.3.a) – Seguros de responsabilidade civil e de accidentes das persoas voluntarias (artigo 4.3) – Autorización da persoa titora para que a persoa menor de idade poida participar (artigo 2.1) – Completar a solicitude de inscrición das experiencias voluntarias e dos certificados de experiencias voluntarias (artigo 17.3.a)
BS320A 2025/037	Asociación Itínera de Voluntarios en Saúde Mental	G15983570	– Memoria explicativa das actividades realizadas (artigo 17.2.a) – Memoria económica (artigo 17.2.b) – Anexo II (artigo 17.2.c) – Anexo IV, xunto coa documentación establecida no artigo 17.2.d)
BS320A 2025/041	Asociación Altaír Galiza	G27439124	– Completar a solicitude de inscrición das experiencias voluntarias e dos certificados de experiencias voluntarias (artigo 17.2.a)
BS320A 2025/043	Asociación Grupo Scout Ilex	G32466187	– Memoria económica: engadir os pagamentos ás persoas voluntarias
BS320A 2025/047	Asociación Sustinea	G32422834	– Memoria explicativa das actividades realizadas (artigo 17.2.a) – Memoria económica (artigo 17.2.b) – Anexo IV, xunto coa documentación establecida no artigo 17.2.d) – Completar a solicitude de inscrición das experiencias voluntarias e dos certificados de experiencias voluntarias (artigo 17.2.a)
BS320A 2025/054	Concello de Mos	P3603300I	– Informe de Intervención (artigo 17.3.d.1º.3) – Anexo II: corrixir importe punto 5º – Completar a solicitude de inscrición das experiencias voluntarias e dos certificados de experiencias voluntarias (artigo 17.3.a)