A presente resolución dítase por delegación, de conformidade co establecido na Orde do 8 de xaneiro de 2020 sobre delegación de competencias na Dirección Xeral da Función Pública, publicada no DOG núm. 16, do 24 de xaneiro.

Unha vez finalizado o proceso selectivo para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica agrícola, convocado pola Resolución do 22 de decembro de 2022 (DOG núm. 244, do 26 de decembro), modificada pola Resolución do 20 de xaneiro de 2023 (DOG núm. 15, do 23 de xaneiro) e pola Resolución do 6 de febreiro de 2023 (DOG núm. 26, do 7 de febreiro); e, unha vez acreditado o cumprimento dos requisitos exixidos nesta por parte da persoa aspirante, co obxecto de adxudicarlle destino definitivo, e segundo a base V.5 da convocatoria, esta consellería

DISPÓN:

Primeiro. Publicar como anexo I os datos da nova persoa aspirante que superou o proceso selectivo para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica agrícola, e que é convocada á elección de destino definitivo, segundo a orde que, en aplicación da base V.5 da convocatoria, deberá seguirse para os efectos da adxudicación de destino.

Segundo. Os postos ofertados e os requisitos exixidos para a súa ocupación figuran como anexo II desta resolución. A persoa aspirante elixirá as prazas ao subgrupo, escala e especialidade ao que acceden de conformidade co indicado no anexo II desta resolución.

Terceiro. Para o acceso á aplicación informática para a elección de destino, a Dirección Xeral de Emprego Público e Administración de Persoal remitirá ás persoas aspirantes un correo electrónico co usuario e a clave de acceso á aplicación do proceso selectivo.

No prazo máximo de dous (2) días hábiles contados a partir do día seguinte ao da publicación desta resolución no DOG, a persoa aspirante, no suposto de que non recibise correctamente o seu usuario e clave, deberá poñerse en contacto co servizo informático da Dirección Xeral de Emprego Público e Administración de Persoal, no teléfono 881 99 98 83, para que se lle faciliten os datos necesarios.

Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.

A elección de destinos deberá realizarse a través do sistema electrónico ao que se poderá acceder a través da paxina web da Dirección Xeral de Emprego Público e Administración de Persoal https://www.xunta.gal/es/funcion-publica/procesos-selectivos/eleccion-destino

Cuarto. Para a selección de destinos, as persoas aspirantes deberán acceder ao sistema electrónico e proceder da seguinte forma:

Unha vez que acceda ao seu expediente electrónico, a persoa aspirante deberá, en primeiro lugar, elixir entre as opcións «Renuncia» ou «Escoller posto».

1º) De elixir a opción «Renuncia», deberaa presentar por escrito no rexistro da Xunta de Galicia no mesmo prazo previsto na disposición terceira. A persoa aspirante que exerza esta opción quedará excluída do proceso e decaerá no seu dereito a ser nomeada persoal funcionario de carreira do subgrupo, escala e especialidade ao que accede. A devandita exclusión non suporá dereito a indemnización. O seu lugar será ocupado pola seguinte persoa aspirante, consonte a orde de prelación derivada das puntuacións do proceso selectivo.

2º) De elixir a opción «Escoller posto», a persoa aspirante seleccionará, por orde de preferencia, os destinos que se ofertan. Neste punto, lémbrase que de conformidade co disposto no artigo 11.2 da Lei 5/2022, do 21 de decembro, de medidas urxentes para a redución da temporalidade no emprego público da Comunidade Autónoma de Galicia, as persoas que adquiran a condición de persoal funcionario de carreira como consecuencia dos procesos selectivos de estabilización derivados da Lei 20/2021, deberán permanecer en servizo activo no devandito corpo e escala un mínimo de dous anos desde a toma de posesión antes de concedérselles excedencia por interese particular ou por prestación de servizos no sector público.

Quinto. Ás persoas aspirantes que non presenten a súa solicitude de elección no prazo sinalado; ou seleccionen un número de prazas inferior ao da posición que ocupan no proceso, seranlles adxudicadas en destino os postos que lles correspondan atendendo á orde de publicación destes e ao número obtido no proceso selectivo, unha vez concluído o proceso de adxudicación dos postos ás persoas aspirantes presentes ou representadas, entre os que quedasen sen adxudicar.

Sexto. Todas as comunicacións que formulen as persoas aspirantes dirixiranse á Consellería de Facenda e Administración Pública, Dirección Xeral de Emprego Público e Administración de Persoal, Servizo de Selección (Edificio Administrativo San Caetano. Santiago de Compostela). Para isto, deberán empregar o modelo co código PR004A previsto na Orde do 4 de maio de 2017 que aproba a posta en funcionamento do servizo para a presentación electrónica de solicitudes, escritos e comunicacións que non conten cun sistema electrónico específico nin cun modelo electrónico normalizado, habilitado na sede electrónica da Xunta de Galicia no enderezo https://sede.xunta.gal; ou ben presentará a documentación nas oficinas de Rexistro da Xunta de Galicia e nos demais lugares previstos no artigo 16 da Lei 39/2015, do 1 de outubro, do procedemento administrativo común das administracións públicas.

Sétimo. Finalizado o prazo para a elección de destinos, a aplicación efectuará a adxudicación automática de destinos, en función do subgrupo, escala e especialidade a que se accede e a orde de prelación acadada por cada persoa aspirante no proceso e atendendo á orde de preferencia na selección de destinos efectuada por esta.

A adxudicación definitiva de postos resolverase mediante resolución da consellería competente en materia de emprego público e publicarase no DOG.

Tal e como se recolle no artigo 11 da Lei 5/2022, do 21 de decembro, de medidas urxentes para a redución da temporalidade no emprego público da Comunidade Autónoma de Galicia, unha mesma persoa aspirante non poderá ser proposta para adquirir a condición de persoal funcionario de carreira ou persoal laboral fixo en máis dunha escala, corpo ou categoría profesional tanto na Administración xeral como nas entidades instrumentais integrantes do sector público autonómico.

Deste xeito, para os procesos de estabilización derivados da Lei 20/2021, deben terse en conta as seguintes consideracións:

1. Aspirantes que figuran na relación de aprobados de varios procesos selectivos convocados pola Administración xeral da Xunta de Galicia.

Se unha persoa aspirante se atopase incluída na relación de aprobados en máis dun proceso selectivo de estabilización convocado pola Administración xeral da Xunta de Galicia, deberá optar exclusivamente por un deles, renunciando expresamente aos demais. A renuncia deberá presentarse por escrito no rexistro da Xunta de Galicia, no prazo de cinco (5) días hábiles, conforme o establecido na disposición terceira desta resolución.

2. Aspirantes que se atopan na relación de aprobados en procesos selectivos convocados pola Administración xeral e convocados por un ente instrumental.

Se unha persoa aspirante figura na relación de aprobados nun proceso selectivo de estabilización da Administración xeral e, ao mesmo tempo, nun proceso de estabilización convocado por un ente instrumental, tamén deberá optar exclusivamente por un deles e renunciar aos restantes. Neste caso, a renuncia debe presentarse por escrito no rexistro da Xunta de Galicia, no prazo de cinco (5) días hábiles, conforme o establecido na disposición terceira desta resolución.

3. Toma de posesión previa ou resultados pendentes noutros procesos de estabilización.

No caso de que, no momento deste acto de elección de destino, a persoa aspirante xa tomase posesión dun posto como persoal funcionario de carreira ou persoal laboral fixo derivado da superación doutro proceso selectivo de estabilización convocado ao abeiro da Lei 20/2021, tanto na Administración xeral da Xunta de Galicia como nun ente instrumental do sector público autonómico, deberá presentar simultaneamente a este acto de elección a renuncia expresa e voluntaria á condición de funcionario de carreira ou, se é o caso, persoal laboral fixo, mediante un escrito presentado no rexistro da Xunta de Galicia, no prazo de cinco (5) días hábiles conforme o establecido na disposición terceira desta resolución. En caso contrario, a persoa aspirante será excluída deste acto de elección de destino.

Igualmente, se a persoa aspirante participa en varios procesos selectivos de estabilización, pero na data deste acto de elección de destino aínda non se publicasen os resultados doutros procesos en que participou, poderá realizar a elección correspondente neste acto. Agora ben, se resulta incluída posteriormente na relación de aspirantes que superaron outro proceso de estabilización, deberá optar definitivamente por un só dos postos, renunciando expresamente ao outro, sempre que non se producise aínda a toma de posesión derivada deste acto. Esta renuncia deberá presentarse por escrito no rexistro da Xunta de Galicia no prazo de cinco (5) días hábiles desde a publicación da nova relación de aprobados. Se xa tomou posesión dun dos postos, será de aplicación o disposto no parágrafo primeiro deste punto.

Oitavo. De conformidade co disposto no artigo 11 da Lei 5/2022, do 21 de decembro, nos casos anteriores, o dereito a optar e a renuncia aos procesos é voluntaria, polo que a súa exclusión dos procesos non elixidos non suporá dereito a compensación.

Noveno. Estará á disposición das persoas aspirantes información complementaria para a utilización da aplicación informática e a presentación das solicitudes de elección de destino, na páxina web da Dirección Xeral de Emprego Público e Administración de Persoal https://www.xunta.gal/es/funcion-publica/procesos-selectivos/eleccion-destino

Décimo. Contra esta resolución, que pon fin á vía administrativa, poderase presentar recurso potestativo de reposición ante o conselleiro de Facenda e Administración Pública no prazo dun mes contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal De grao medio de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 11 de decembro de 2025

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal

ANEXO I

Relación de aprobados

Corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica agrícola.

Nº de orde	DNI	Apelidos e nome	Acceso
1	***5223**	González Rodríguez, María Jesús	Libre

ANEXO II

Prazas ofertadas

Corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica agrícola.

Nº	Código	Nome	Cons.	Centro de destino	Centro directivo	Concello	Subgrupo	Nivel	Formación	Observacións
32	MAC040000015770029	Posto base subgrupo A2	MA	D. X. de Calidade Ambiental e Sostibilidade	Dirección Xeral de Calidade Ambiental e Sostibilidade	Santiago de Compostela	A2	16
43	MRC992012232320004	Xefatura sección C (Xinzo)	MR	Oficina de Xinzo de Limia	Servizos periféricos	Xinzo de Limia	A1-A2	22
45	MRA112300327300011	Posto base subgrupo A2	MR	Centro de Formación e Experimentación Agroforestal de Monforte de Lemos (Lugo)	Axencia Galega de Calidade Alimentaria (Agacal)	Monforte de Lemos	A2	16		Xornada especial
47	MRA112100315120012	Posto base subgrupo A2	MR	Centro de Formación e Experimentación Agroforestal de Sergude (A Coruña)	Axencia Galega de Calidade Alimentaria (Agacal)	Boqueixón	A2	16		Xornada especial
51	MRC050000015770018	Posto base subgrupo A2	MR	D. X. de Gandaría, Agricultura e Industrias Agroalimentarias	Dirección Xeral de Gandaría, Agricultura e Industrias Agroalimentarias	Santiago de Compostela	A2	16
56	MRA112000315080043	Posto base subgrupo A2	MR	Centro de Formación e Experimentación Agroforestal de Guísamo (A Coruña)	Axencia Galega de Calidade Alimentaria (Agacal)	Bergondo	A2	16		Xornada especial
59	MRO130000015770016	Posto base subgrupo A2	MR	Subdirección Xeral de Xestión da Pac	Fogga/Subdirección Xeral de Xestión da Pac	Santiago de Compostela	A2	16
60	MRA113000315010035	Posto base subgrupo A2	MR	Laboratorio Agrario e Fitopatolóxico de Galicia (Mabegondo-A Coruña)	Axencia Galega de Calidade Alimentaria (Agacal)	Abegondo	A2	16
70	MRC991030115001055	Posto base subgrupo A2	MR	Servizo de Explotacións Agrarias (A Coruña)	Servizos periféricos	A Coruña	A2	16
73	MRO191000015001002	Posto base subgrupo A2	MR	Servizo Territorial da Coruña	Fogga/Servizos territoriais	A Coruña	A2	16	168
79	MRC992011332700005	Xefatura de Sección C (A Rúa)	MR	Oficina da Rúa	Servizos periféricos	A Rúa	A1-A2	22
82	MRC991000036001023	Posto base subgrupo A2	MR	Xefatura Territorial Pontevedra	Servizos periféricos	Pontevedra	A2	16
83	MRA112200327500004	Xefatura Secc. Form. e Exp. Agraria	MR	Centro de Formación e Experimentación Agroforestal Pedro Murias (Ribadeo)	Axencia Galega de Calidade Alimentaria (Agacal)	Ribadeo	A1-A2	22		Xornada especial
88	MRC992012232320005	Xefatura Sección C (Xinzo)	MR	Oficina de Xinzo de Limia	Servizos periféricos	Xinzo de Limia	A1-A2	22
90	MRC992013136240007	Xefatura Sección C (Lalín)	MR	Oficina de Lalín	Servizos periféricos	Lalín	A1-A2	22
94	MRC991030115001018	Técnico/a N.18	MR	Servizo de Explotacións Agrarias (A Coruña)	Servizos periféricos	A Coruña	A2	18
102	MRA112400327060007	Posto base subgrupo A2	MR	Centro de Formación e Experimentación Agroforestal de Becerreá (Lugo)	Axencia Galega de Calidade Alimentaria (Agacal)	Becerreá	A2	16		Xornada especial
109	MRC992004515760001	Xefatura Sección C (Sta. Comba)	MR	Oficina de Santa Comba	Servizos periféricos	Santa Comba	A1-A2	22
119	MRC992012132840004	Xefatura de Sección C (Verín)	MR	Oficina de Verín	Servizos periféricos	Verín	A1-A2	22
126	MRA112600315010059	Técnico/a de Apoio á Divulg. e Investig. Agraria VI	MR	Centro de Investigacións Agrarias de Mabegondo (A Coruña)	Axencia Galega de Calidade Alimentaria (Agacal)	Abegondo	A1-A2	22	370-640

Formacións específicas
Código	Descrición
168	Carné de conducir B1 (mérito).
370	Doutoramento en materia agraria (R.I.)
640	Para persoal doutra Administración, curso de perfeccionamento de galego (R.I.)