No Boletín Oficial da provincia (BOP) de Lugo núm. 262, do 14 de novembro, e BOP núm. 267, do 20 de novembro de 2025, publícanse as convocatorias e bases específicas que regulan os procesos selectivos para o ingreso nas prazas de persoal funcionario de carreira na Deputación Provincial de Lugo, incluídas na oferta de emprego público do ano 2023 que a seguir se sinalan:

– Catro prazas de porteiro/a (tres da cota xeral e unha da cota de reserva a persoas con discapacidade), pertencentes á escala da Administración xeral, subescala subalterno, agrupacións profesionais, mediante o sistema de concurso-oposición, acceso libre.

– Cinco prazas de auxiliar, pertencentes á escala da Administración xeral, subescala auxiliar, grupo C-subgrupo C2, mediante o sistema de oposición, acceso libre.

O prazo de presentación de solicitudes será de vinte (20) días naturais desde o día seguinte ao da publicación do extracto da convocatoria e bases no Boletín Oficial del Estado (BOE).

Os sucesivos anuncios referentes a esta convocatoria, cando procedan de conformidade coas bases, publicaranse no BOP de Lugo, no taboleiro de edictos desta entidade e na páxina web da deputación provincial.

Lugo, 24 de novembro de 2025

O presidente da Deputación Provincial de Lugo
P.D. (Decreto do 25.6.2025)
Pablo Rivera Capón
Deputado provincial de Lugo