En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: Red Eléctrica de España, S.A.

NIF: A85309219.

Expediente: DH.V15.112364.

Lugar: Sabón.

Parroquia: Oseiro.

Concello: Arteixo.

Tipo de vertedura: augas residuais pluviais depuradas.

Caudal máximo anual: 100,8 m³/ano.

Punto de vertedura: x=540.483; y=4.797.759.

Medio receptor: río de Seixedo (bacía da costa da Coruña, entre A Coruña e Camariñas).

Tratamento/evacuación:

As augas residuais pluviais procedentes da bancada de recollida de aceites da nova reactancia da subestación eléctrica de Sabón son tratadas nun separador de hidrocarburos de clase I, de 6 L/s de capacidade nominal, antes da súa vertedura ao río de Seixedo, na desembocadura do encoro de Rosadoiro.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia, situadas na praza de Camilo Díaz Baliño, 7-9, Santiago de Compostela. Para isto, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

As persoas interesadas poderán presentar alegacións durante o prazo de trinta días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 11 de novembro de 2025

Matilde Alonso Acosta
Xefa da Área de Verteduras