En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Expediente: DH.A36.106883.

Presblán, S.L. solicita de Augas de Galicia a concesión dun aproveitamento de augas públicas coas seguintes características:

Solicitante: Presblán, S.L.

Volume total anual: 2.000 m3/ano.

Caudal máximo instantáneo: 0,66 l/s.

Destino: uso gandeiro.

Orixe: pozo de barrena.

Lugar: Barro-Parada.

Parroquia: Parada (San Tomé).

Concello: Silleda.

Descrición do aproveitamento:

O aproveitamento consiste na captación de auga dun pozo de barrena de 30 m de profundidade e 110 mm de diámetro, situado na parcela 36052S509012830000KS, mediante unha bomba somerxible de 1 CV, e a súa condución mediante unha tubaxe de 32 mm de diámetro ata os depósitos situados no mesmo predio, para uso gandeiro.

Expediente DH.A36.15013.

Características do dereito inscrito: concesión dun caudal de augas de 0,06 l/s procedente dun pozo de barrena, no lugar de Parada, parroquia de Laro (San Salvador), concello de Silleda (Pontevedra), con destino a abastecemento de explotación avícola (30.000 polos de engorda) outorgada a Plesblán, S.L. na Resolución da Presidencia de Augas de Galicia do 8 de marzo de 2010.

Causa de extinción: transcurso do prazo outorgado.

Servidumes: non se coñecen.

Iniciación: de oficio.

Identificación do aproveitamento: coordinación UTM da captación X= 563.930 Y= 4.719.192 (fuso 29 ETRS89).

Este anuncio ten por obxecto abrir a regulamentaria información pública que prescriben os artigos 109 e 163 do Regulamento do dominio público hidráulico para xeral coñecemento, por un prazo de vinte (20) días naturais a partir do día seguinte á data de publicación a partir do seguinte á data de publicación no Diario Oficial de Galicia, co fin de que os que se sintan prexudicados poidan presentar as súas reclamacións, durante o prazo sinalado polas vías establecidas no artigo 16.4 da Lei 39/2015, do 1 de outubro, do procedemento administrativo das administracións públicas.

O proxecto obxecto deste expediente estará dispoñible para a súa consulta nas oficinas deste servizo situadas na rúa Tomiño, número 16, baixo, en Santiago de Compostela (A Coruña), onde pode ser examinado por quen o desexe no devandito prazo, logo de cita no teléfono 881 99 90 97 e na páxina web deste organismo de conca https://augasdegalicia.xunta.gal, na sección denominada participación pública.

Santiago de Compostela, 21 de novembro de 2025

Jesús Antonio Manrique Merino
Xefe do Servizo Territorial da Zona Hidrográfica de Galicia Centro