De conformidade coa proposta elevada polas comisións nomeadas para xulgar os concursos para a provisión de prazas dos corpos docentes universitarios, convocados mediante a Resolución desta universidade do 7 de xullo de 2025 (BOE do 15 de xullo), e presentada polas persoas interesadas a documentación a que fai referencia a base novena da convocatoria.

Este reitorado, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolve efectuar os nomeamentos das persoas que se relacionan no anexo.

Os citados nomeamentos producirán efecto a partir da correspondente toma de posesión polas persoas interesadas, que se deberá efectuar no prazo máximo de vinte (20) días, contados desde o día seguinte ao da publicación desta resolución no Boletín Oficial del Estado.

No caso de que a persoa aspirante se encontre en situación de incapacidade temporal, o prazo para a toma de posesión comezará a partir do día seguinte hábil ao da data de remate da alta médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, en que poderán tomar posesión durante esta situación.

Contra esta resolución, que pon fin á vía administrativa, poderase interpoñer recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición, no prazo dun mes ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 17 de decembro de 2025

Antonio López Díaz
Reitor da Universidade de Santiago de Compostela

ANEXO

Número concurso	Nome	Apelidos	DNI	Corpo Docente	Área de coñecemento	Departamento	Localidade	Código praza
11T/25	Mª Begoña	López Portas	***2798**	Profesoras e profesores titulares de universidade	Dereito Constitucional	Dereito Público e Teoría do Estado	Santiago de Compostela	C02069
20T/25	Ada María	Pérez Pico	***4461**	Profesoras e profesores titulares de universidade	Economía Financeira e Contabilidade	Economía Financeira e Contabilidade	Lugo	C02078
24T/25	Raquel	Dosil Lago	***9591**	Profesoras e profesores titulares de universidade	Linguaxes e Sistemas Informáticos	Electrónica e Computación	Santiago de Compostela	C02082
25T/25	David	Mera Pérez	***0148**	Profesoras e profesores titulares de universidade	Linguaxes e Sistemas Informáticos	Electrónica e Computación	Santiago de Compostela	C02083
41T/25	Montserrat	Capelán Fernández	***2819**	Profesoras e profesores titulares de universidade	Música	Historia da Arte	Santiago de Compostela	C02099
67T/25	Pablo	Aguiar Fernández	***7163**	Profesoras e profesores titulares de universidade	Radioloxía e Medicina Física	Psiquiatría, Radioloxía, Saúde Pública, Enfermaría e Medicina	Santiago de Compostela	C02125