O 12 de xuño de 2025 o Departamento Territorial de Lugo ditou a Resolución de autorizacións administrativas previa e de construción e recoñeceu, en concreto, a utilidade pública da instalación eléctrica denominada Nova LAT 20 kV Atrio e ampliación da LAT 20 kV Muras 2, no concello de Vilalba.

Esta declaración de utilidade pública, segundo o disposto no artigo 54 da Lei 24/2013, do 26 de decembro, do sector eléctrico, implica a necesidade de ocupación dos bens ou de adquisición dos dereitos afectados e a súa urxente ocupación para os efectos do artigo 52 da Lei de expropiación forzosa do 16 de decembro de 1954.

De acordo co anterior, este departamento territorial, en cumprimento do disposto no artigo 52 da Lei de expropiación forzosa, resolve convocar a todas as persoas afectadas coas cales non se chegou a un acordo incluídas na relación de bens e dereitos que se insire como anexo a este acordo. Esta relación, que se expón tamén no taboleiro de anuncios do Concello de Vilalba, dedúcese da que se someteu a información pública no diario El Progreso do 18 de xuño de 2025 e no Diario Oficial de Galicia do 26 de xuño de 2025, para que comparezan o día 10 de marzo de 2026 no Concello de Vilalba, sinalado como punto de reunión para, de conformidade co procedemento que se establece no citado artigo, levar a cabo o levantamento das actas previas á ocupación.

Desta convocatoria darase traslado ás persoas interesadas mediante a oportuna citación individual, na cal se sinalarán o día e a hora para o levantamento das actas previas. Así mesmo, no taboleiro de anuncios do Concello de Vilalba estará exposta a data do levantamento das actas. Todas as persoas interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representadas por unha persoa debidamente autorizada, e achegarán os documentos acreditativos da súa titularidade. Ademais, poderanse acompañar dos seus peritos e dun notario pola súa conta (artigo 52.3 da Lei de expropiación forzosa).

Así mesmo, advírteselles a todas as persoas interesadas que poderán formular alegacións por escrito neste departamento territorial (rolda da Muralla, 70, Lugo) ata o momento do levantamento das actas previas, para os únicos efectos de corrixir os posibles erros cometidos na relación de bens e dereitos afectados (artigo 56.2 do Regulamento da Lei de expropiación forzosa).

Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), cando os titulares dos predios propostos sexan descoñecidos, non se saiba o lugar de notificación ou ben, intentada a notificación, non se puidese realizar (sen prexuízo da correspondente publicación no BOE), e así dirixirlle ao Ministerio Fiscal as dilixencias que se produzan de conformidade co artigo 5 da Lei de expropiación forzosa, do 16 de decembro de 1954.

Lugo, 19 de decembro de 2025

Gustavo José Casasola de Cabo
Director territorial de Lugo

ANEXO

Expediente: Nova LAT 20 kV Atrio e ampliación da LAT 20 kV Muras 2 (IN407A 2023/180-ATE).

Concello: Vilalba.

Nº de predio	Pol.	Parc.	Referencia catastral	Lugar	Cultivo	Persoa titular proposta	Data das actas	Hora
3	40	207	27065A04000207	Vilar de Paraños	Prado	Hros. de Jerónimo Fernández Carreiras	10.3.2026	10.00 h