Logo de examinar o acordo adoptado polo Consello Reitor da entidade pública empresarial Augas de Galicia na súa reunión do 17 de decembro de 2025, relativo ao nomeamento de xerente de Augas de Galicia, e consonte o disposto na base novena da Resolución do 27 de marzo de 2025 pola que se convoca un posto de persoal directivo na entidade pública empresarial Augas de Galicia,

RESOLVO:

Dar publicidade ao Acordo do Consello Reitor da entidade pública empresarial Augas de Galicia do 17 de decembro de 2025, de nomeamento dun posto de persoal directivo vacante na entidade pública empresarial Augas de Galicia, convocado pola Resolución do 27 de marzo de 2025 (DOG núm. 64, do 2 de abril).

A persoa nomeada para o desempeño do posto de traballo e as características deste recóllense no anexo desta resolución.

A Xerencia terá retribucións equivalentes a un posto de subdirección xeral. Así mesmo, o xerente estará suxeito ao réxime de incompatibilidades establecido na normativa estatal e da Comunidade Autónoma de Galicia respecto do persoal ao seu servizo.

O cesamento no destino actual do funcionario que obtivo a praza producirase no prazo de tres días hábiles, contados a partir do seguinte ao da data de publicación deste acordo no Diario Oficial de Galicia.

O prazo para a toma de posesión do novo destino será de tres días hábiles a partir do seguinte ao do cesamento, se non implica cambio de residencia, ou de sete días hábiles, se comporta cambio de residencia. Cando a persoa adxudicataria do posto obteña coa súa toma de posesión o reingreso ao servizo activo, o prazo será dun mes, de conformidade co establecido no artigo 8.1 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico.

O cómputo dos prazos posesorios iniciarase cando finalicen os permisos ou licenzas que, se é o caso, lles fosen concedidos aos/ás interesados/as. Nos supostos de incapacidade temporal, o cómputo do prazo iniciarase a partir da correspondente alta.

A presente resolución producirá efectos a partir do día seguinte ao da súa publicación no Diario Oficial de Galicia.

Contra o acordo poderá interpoñerse, ante o Consello Reitor de Augas de Galicia, recurso potestativo de reposición, no prazo dun mes contado a partir do día seguinte ao da publicación desta resolución no Diario Oficial de Galicia. Alternativamente, poderá interpoñerse directamente recurso contencioso-administrativo ante a Sección do Contencioso-Administrativo do Tribunal de Instancia da cidade de Santiago de Compostela, no prazo de dous meses contados a partir do día seguinte ao da publicación desta resolución no Diario Oficial de Galicia.

Santiago de Compostela, 22 de decembro de 2025

Ángeles Vázquez Mejuto
Presidenta do Consello Reitor de Augas de Galicia

ANEXO

Apelidos e nome: Mosqueira Martínez, Gonzalo.

NIF: ***9470**.

Denominación do posto: xerente.

Código: IV.E10.00.001.15770.001.

Directivo: grupo III, nivel 2.

Tipo de persoal: funcionario (subgrupo A1)/alta dirección.

Forma de provisión: persoal directivo (artigo 65.2 da Lei 16/2010, do 17 de decembro/Decreto 119/2012, do 3 de maio).

Dependencia: Augas de Galicia.

Localidade: Santiago de Compostela.