De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notificaselle á persoa relacionada no anexo o acto que se indica no expediente de reclamación de danos en materia de estradas (Lei 6/2015, de 7 de agosto, de estradas de Galicia), devolta polo servizo de Correos por resultar descoñecida a súa destinataria ou ben porque, intentada a notificación, non se puido efectuar.

Segundo establece o artigo 46 da citada lei, a interesada dispón dun prazo de dez días, contados desde o día seguinte ao da publicación deste anuncio no Boletín Oficial del Estado, para comparecer na sede do Servizo Provincial da Axencia Galega de Infraestruturas (avenida María Victoria Moreno, 43, 1º, Edificio Administrativo, 36003 Pontevedra), se desexa examinar o expediente e coñecer o contido íntegro deste acto, que contén tamén o ofrecemento dun prazo de alegacións ou de recursos. Transcorrido o prazo de dez días sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

Fáiselle saber que contra a dita resolución, definitiva na vía administrativa, cabe recurso contencioso-administrativo ante o xulgado do contencioso-administrativo da circunscrición en que a demandante teña o seu domicilio, ou no de Pontevedra, no prazo de dous meses contados desde o día seguinte ao remate do prazo de dez días antes sinalado ou ao da comparecencia da interesada, se é o caso.

Para que conste e lle sirva de notificación a interesada, asino e selo este anuncio.

Pontevedra, 16 de decembro de 2025

Manuel Ángel González Juanatey
Xefe do Servizo Provincial de Pontevedra

ANEXO

Expediente	Persoa interesada	Acto notificado	Estrada
RD/PO-085/2025	Melisa Suárez Táboas	Incoación de expediente	PO-306 (Vilanova de Arousa-Ponte da Illa de Arousa)