O 23 de decembro de 2025, o alcalde do Concello de Verín negociou e subscribiu o convenio urbanístico de monetización do aproveitamento municipal do 10 % da APR-45-Os Coutos, en Verín, coa promotora do ámbito Logística Chestenorte, S.L.U.

De conformidade cos artigos 21 e 168.1 da Lei 2/2016, do 10 de febreiro, do solo de Galicia (LSG), e o artigo 401.2 do Decreto 143/2016, do 22 de setembro, polo que se aproba o Regulamento da LSG, procédese á exposición pública do contido do convenio polo prazo dun mes, coa finalidade de que as persoas e entidades interesadas poidan presentar as suxestións e alegacións que xulguen oportunas en defensa dos seus dereitos e intereses lexítimos.

O citado convenio poderase consultar no taboleiro electrónico do Concello de Verín, a través do enderezo https://verin.sedelectronica.gal/info.0 ou https://www.verin.gal/2026/38672023conveniomonetizacion.pdf ou ben nas dependencias de Urbanismo do Concello de Verín, de luns a venres, das 10.00 ás 14.00 horas.

Verín, 29 de decembro de 2025

Gerardo Seoane Fidalgo
Alcalde