Na Resolución de Alcaldía nº 2025-0461, do 26 de decembro de 2025, aprobouse a seguinte oferta de emprego público para o exercicio 2025, coa especificación das prazas relacionadas, xunto coa súa denominación e clasificación:

Postos de persoal laboral fixo, quenda promoción interna:

Nº	Código	Denominación	Grupo	Sistema de acceso
1	02.02.00.00	Encargado/a de obras e servizos	IV/C2	Concurso-oposición, promoción interna

Prazas de persoal funcionario, quenda promoción interna horizontal (funcionarización):

Nº	Código	Denominación	Grupo	Escala	Provisión
1	01.01.00.01	Técnico/a de xestión e emprego	A2	Admón. xeral, subescala de xestión	Concurso-oposición, promoción interna-funcionarización
1	01.01.00.03	Administrativo/a	C1	Admón. xeral, subescala administrativa	Concurso-oposición, promoción interna-funcionarización
1	02.01.00.01	Arquitecto/a municipal	A1	Escala de Administración especial, subescala técnica	Concurso-oposición, promoción interna-funcionarización
1	03.00.00.01	Traballador/a social coordinador/a	A2	Escala de Administración especial, subescala técnica	Concurso-oposición, promoción interna-funcionarización
1	03.00.00.02	Educador/a familiar	A2	Escala de Administración especial, subescala técnica	Concurso-oposición, promoción interna-funcionarización
1	04.00.00.01	Bibliotecario/a	A2	Escala da Administración xeral, subescala de xestión	Concurso-oposición, promoción interna-funcionarización
1	05.00.00.01	Secretario/a do Xulgado de Paz	C1	Escala da Administración xeral, subescala administrativa	Concurso-oposición, promoción interna-funcionarización

O que se publica en cumprimento do ordenado na resolución de aprobación desta.

Contra este acordo, que pon fin á vía administrativa, poderá interpoñerse recurso potestativo de reposición no prazo dun mes, contado desde o día seguinte ao da súa publicación, ao abeiro do establecido no artigo 124.1 da Lei 39/2015, do 1 de outubro, do procedemento administrativo común das administracións públicas, ou ben directamente o recurso contencioso-administrativo, ante o Xulgado do Contencioso-Administrativo de Pontevedra, no prazo de dous meses contados desde o día seguinte ao da súa publicación, consonte o disposto nos artigos 8.1 e 46.1 da Lei 29/1998, do 13 de xuño, reguladora da xurisdición contencioso-administrativa.

No caso de interpoñerse o recurso potestativo de reposición, deberase resolver e notificar no prazo dun mes, segundo establece o artigo 124.2 da dita Lei 39/2015, e entenderase desestimado polo transcurso do dito prazo sen resolución expresa notificada. Daquela, os interesados poderán interpoñer recurso contencioso-administrativo, consonte o establecido no artigo 46.1) e 4) da Lei 29/1998, reguladora da xurisdición contencioso-administrativa.

Non obstante, tamén se poderá interpoñer calquera outro recurso que as persoas interesadas consideren procedente conforme dereito.

Portas, 26 de decembro de 2025

Ricardo Martínez Chantada
Alcalde