De conformidade cos artigos 44 e 46.1 da Lei 39/2015, do 1 de outubro, do procedemento administrativo común das administracións públicas, e tras ser tentada sen efecto a notificación do acto que se indica por causas non imputables á Administración,

Ao non ser posible realizar a comunicación a que se refire o número 2 do artigo 22 da Lei 3/2007, do 9 de abril, de prevención e defensa contra os incendios forestais de Galicia, ás persoas titulares das parcelas que se relacionan a continuación, por causas non imputables a esta Administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, faise pública a comunicación de xestión da biomasa.

Acto para notificar	Ref. catastral Polígono/parcela	Localización	Interesado/a Persoa responsable
Orde de execución (exp. 2522-2025) Resolución de inicio de orde de execución do 10.12.2025	36043A022001270000JL  (polígono 22, parcela 127)	Buchabade Ponte Caldelas	Inocencia Boullosa Senra
Orde de execución (exp. 2550-2025) Resolución de inicio de orde de execución do 10.12.2025	36043A023005220000JT   (polígono 23, parcela 522)	Buchabade Ponte Caldelas	Sara Quinteiro Malvar
Orde de execución (exp. 2560-2025) Resolución de inicio de orde de execución do 17.12.2025	36043A023006390000JB   (polígono 23, parcela 639)	Buchabade Ponte Caldelas	Sara Quinteiro Malvar
Orde de execución (exp. 69-2026) Resolución de inicio de orde de execución do 14.1.2026	36043A012014730000JE  (polígono 12, parcela 1473)	Cuñas Ponte Caldelas	Manuel Martinez Pereiro

En virtude do que antecede, comunícaselle que nas referidas parcelas se incumpre o establecido no artigo 21 da Lei 3/2007. Polo tanto, dispón dun prazo máximo de 15 días naturais para o cumprimento voluntario para xestionar a biomasa na parcela citada, que se iniciará o día seguinte ao da recepción desta notificación.

Publícase o presente anuncio no Diario Oficial de Galicia (DOG) para que lle sirva de notificación á persoa interesada, para cuxo fin se lle comunica que tanto a notificación como o expediente están á súa disposición no Concello de Ponte Caldelas (avenida de Galicia, 17, 36820 Ponte Caldelas, Pontevedra). Igualmente, poderá acceder a través da sede electrónica desta entidade.

Considerando que o artigo 22.3 da Lei 3/2007, do 9 de abril, de prevención e defensa contra os incendios forestais de Galicia, establece que, cando non se puidese determinar a identidade da persoa responsable da xestión da biomasa vexetal e retirada de especies arbóreas prohibidas ou resultase infrutuosa a notificación da comunicación, se efectuará mediante un anuncio no Boletín Oficial del Estado e no Diario Oficial de Galicia dos datos catastrais da parcela.

Considerando que o artigo 22.4 da Lei 3/2007, do 9 de abril, de prevención e defensa contra os incendios forestais de Galicia, posibilítalle a este concello a execución subsidiaria no caso de incumprimento dos traballos de xestión de biomasa, coa repercusión dos custos ás persoas responsables.

Considerando que o artigo 22.6 da Lei 3/2007, do 9 de abril, de prevención e defensa contra os incendios forestais de Galicia, establece a obriga das persoas responsables de facilitar os necesarios accesos ás entidades responsables dos traballos de xestión da biomasa, que non requirirán de ningunha autorización para a execución subsidiaria da xestión da biomasa nas redes de faixas de xestión.

Ponte Caldelas, 20 de xaneiro de 2026

Andrés Díaz Sobral
Alcalde presidente