O Pleno da Corporación municipal, na sesión ordinaria do 30 de xaneiro de 2026, aprobou inicialmente a modificación puntual número 2 do Plan xeral de ordenación municipal do Concello de Silleda (Pontevedra). O acordo sométese a exposición pública durante un prazo de dous meses mediante a publicación no Diario Oficial de Galicia e nun dos xornais de maior difusión da provincia, para que os interesados poidan examinar o expediente e presentar as reclamacións que consideren oportunas.

O expediente tramitado estará á disposición dos interesados, nas dependencias de Urbanismo do Concello de Silleda, sitas na rúa Progreso, nº 41, das 9.00 ás 14.00 horas, de luns a venres.

Silleda, 3 de febreiro de 2026

A alcaldesa presidenta
P.D. (Decreto 2026-0070)
Mónica González Conde
Primeira tenente de alcaldesa