A Consellería de Facenda e Administración Pública convocou, mediante as resolucións do 22 de decembro de 2022 (Diario Oficial de Galicia número 244, do 26 de decembro, e Diario Oficial de Galicia número 245, do 27 de decembro), modificadas polas resolucións do 20 de xaneiro de 2023 (DOG núm. 15, do 23 de xaneiro) e polas resolucións do 6 de febreiro de 2023 (DOG núm. 26, do 7 de febreiro), procesos selectivos extraordinarios de estabilización derivados da Lei 20/2021, do 28 de decembro, para o ingreso nos seguintes corpos, escalas e categorías:

– Corpo de técnicos de carácter facultativo de Administración especial da Administración xeral da Comunidade Autónoma de Galicia, subgrupo B, escala técnica do Servizo de Prevención e Defensa contra Incendios Forestais, especialidade bombeiro/a forestal-xefe de brigada.

– Corpo de auxiliares de carácter técnico de Administración especial da Administración xeral da Comunidade Autónoma de Galicia, subgrupo C2, escala auxiliar do Servizo de Prevención e Defensa contra incendios Forestais, especialidade bombeiro/a forestal.

– Categoría 100 do grupo III de persoal laboral da Xunta de Galicia - bombeiro/a forestal xefe/a de brigada.

– Categorías 33 do grupo IV de persoal laboral da Xunta de Galicia - condutor/a autobomba defensa contra incendios forestais.

– Categoría 10B do grupo V de persoal laboral da Xunta de Galicia - vixilante fixo/a de defensa contra incendios forestais.

– Categoría 10C do grupo V de persoal laboral da Xunta de Galicia - emisorista de defensa contra incendios forestais. Escoita incendios.

– Categoría 14 do grupo V de persoal laboral da Xunta de Galicia - bombeiro/a forestal.

– Categoría 14A do grupo V de persoal laboral da Xunta de Galicia - bombeiro/a forestal condutor/a.

O persoal adscrito aos grupos, escalas e categorías propias do Servizo de Prevención e Defensa contra Incendios Forestais resulta un elemento significativo do cadro de persoal na organización da campaña de defensa contra incendios.

Coa finalidade de que as persoas aspirantes que superen os referidos procesos selectivos poidan incorporarse á vindeira campaña de alto risco de incendios, resulta de interese público adoptar medidas para a axilización dos trámites administrativos que permitan o remate do proceso selectivo e a toma de posesión do novo persoal con anterioridade á declaración do período de alto risco de incendios.

En consecuencia, resolvo:

Declarar a aplicación da tramitación de urxencia aos procesos selectivos anteriormente indicados, de conformidade co disposto no artigo 33.1 da Lei 39/2019, do 1 de outubro, do procedemento administrativo común das administracións públicas, con redución dos seguintes prazos establecidos para o procedemento ordinario:

– Prazo de un (1) mes de toma de posesión: redúcese a quince (15) días naturais.

Por tratarse dun acto de trámite e, en virtude do disposto no artigo 33.2 da Lei 39/2015, do 1 de outubro, fronte a esta resolución non cabe a interporsición de recurso ningún, sen prexuízo do procedente contra a resolución que poña fin ao procedemento.

Santiago de Compostela, 27 de febreiro de 2026

O conselleiro de Facenda e Administración Pública
P.D. (Orde do 8 de xaneiro de 2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal