Unha vez obtida a verificación do plan de estudos polo Consello de Universidades, logo de informe favorable da Axencia para a Calidade do Sistema Universitario de Galicia, e declarado o carácter oficial do título mediante o Acordo do Consello de Ministros do 23 de setembro de 2025 (publicado no BOE do 1 de outubro de 2025 mediante a Resolución da Secretaría Xeral de Universidades do 25 de setembro de 2025),

Este reitorado resolve publicar o plan de estudos conducente á obtención do título oficial de máster universitario en Xestión da Arte e o Patrimonio Cultural pola Universidade de Santiago de Compostela.

O plan de estudos a que se refire a presente resolución quedará estruturado conforme figura no seu anexo.

Santiago de Compostela, 18 de febreiro de 2026

Antonio López Díaz
Reitor da Universidade de Santiago de Compostela

ANEXO

Máster universitario en Xestión da Arte e o Patrimonio Cultural pola Universidade de Santiago de Compostela

Código RUCT: 3500684.

Rama de coñecemento: Arte e Humanidades.

Ámbito de coñecemento: Historia da Arte e da Expresión Artística, e Belas Artes.

Universidades participantes: Universidade de Santiago de Compostela

Modalidade de impartición: presencial.

Cadro 1. Distribución de créditos ECTS segundo o tipo de materia.

Tipo de materia	Créditos ECTS
Obrigatorias	21
Optativas	21
Prácticas externas obrigatorias	12
Traballo fin de máster	6
Créditos totais	60

Cadro 2. Plan de estudios do máster.

Materia	Carácter	Créditos	Módulo
Fundamentos e Recursos para a Investigación e a Xestión	Obrigatoria	4,5	Coñecementos xerais e contextos da xestión artística
Marcos Institucionais e Políticas Culturais	Obrigatoria	3
Novos Relatos Historiográficos desde as Perspectivas de Xénero e Teoría Queer	Obrigatoria	3
Humanidades Dixitais Aplicadas ao Patrimonio e os Bens Artísticos	Obrigatoria	3
Seminario Transversal de Teoría. Lecturas e Debates	Obrigatoria	3
Réxime Xurídico da Xestión da Arte e do Patrimonio Cultural	Obrigatoria	4,5
Música e Artes do Espectáculo	Optativa	4,5	Concepción e desenvolvemento de proxectos artísticos e culturais
Creación Audiovisual no Século XXI	Optativa	3
Prácticas Artísticas Contemporáneas	Optativa	3
Economía da Arte	Optativa	3
Arquitectura para Museos e Outros Espazos de Exhibición	Optativa	3
Proxecto de Comisariado	Optativa	4,5
Concepto, Tipoloxías e Problemáticas do Patrimonio Cultural	Optativa	4,5	Planificación e estratexias para a intervención no patrimonio cultural
Museos, Coleccións e Patrimonio Cultural: Exhibición, Conservación e Difusión	Optativa	3
Proxectos en Xestión do Patrimonio	Optativa	4,5
Cidades, Territorios e Paisaxes Culturais. Estratexias de Xestión e Planificación	Optativa	3
Interpretación, Comunicación e Didáctica do Patrimonio	Optativa	3
Turismo Cultural e Dinamización Económica	Optativa	3
Prácticas académicas externas	Obrigatoria	12	Prácticas académicas externas
Traballo fin de máster	Obrigatoria	6	Traballo fin de máster
Total de créditos ofertados		81

Especialidades:

O título de máster en Xestión da Arte e o Patrimonio Cultural recolle dúas especialidades denominadas:

– Especialidade en Concepción e Desenvolvemento de Proxectos Artísticos e Culturais.

– Especialidade en Planificación e Estratexias para a Intervención no Patrimonio Cultural.

Cada unha das especialidades consta de 21 créditos ECTS, repartidos en disciplinas de 3 e 4,5 créditos.

Non obstante, o máster en Xestión da Arte e o Patrimonio Cultural tamén se pode cursar sen mención, combinando materias de ambas as especialidades ata alcanzar o número de créditos necesarios.