Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar», mediante o presente anuncio comunícanselles a todas as persoas interesadas os pagamentos dos prezos xustos polos bens e dereitos afectados polo proxecto Regulamentación LMTA SAR804 entre os apoios número D155 e D158 (Paradela), que se realizarán na casa do concello de Paradela, segundo o calendario e o horario que se sinalan no cadro anexo.

Ao acto deberán comparecer as persoas propietarias ou titulares de dereitos sobre os bens afectados, por si mesmas ou representadas por persoa debidamente autorizada, e amosarán o seu DNI/NIF, así como os documentos que acrediten a titularidade.

Lugo, 11 de febreiro de 2026

Gustavo J. Casasola de Cabo
Director territorial de Lugo

ANEXO

Expediente : IN407A 2022/37-2.

Entidade beneficiaria: UFD Distribución Electricidad, S.A.

Denominación: Regulamentación LMTA SAR804 entre os apoios número D155 e D158.

Concello	Titular	Día	Hora	Predio
Paradela	Descoñecido	13 de maio de 2026	10.00	1