Para os efectos de darlle cumprimento ao solicitado polo Tribunal de Instancia-Sección do Contencioso-Administrativo-praza núm. 2 de Vigo, en relación co procedemento ordinario núm. 404/2025, interposto pola persoa con DNI 36103374K, contra a resolución desestimatoria ditada pola directora da Axencia de Protección da Legalidade Urbanística nos recursos de reposición (R1-R2 acumulados) o 22.10.2025, expediente PON/43/2020-RP1, pola que se declaraba que as obras executadas consistentes na ampliación do aproveitamento espazo baixo cuberta nunha superficie de 38,40 m² para dedicar a vivenda (construción C1), no lugar de Camiño de Ferreira 18, parroquia de Teis, no Concello de Vigo, non son legalizables por seren incompatibles co ordenamento urbanístico e ordenábase a súa demolición, conforme a dereito á data do seu ditado. Nos recursos (R1-R2) tamén se resolve dar traslado das actuacións ao Concello de Vigo, por ser a Administración competente, logo do cambio de clasificación operado coa aprobación e a entrada en vigor do Plan xeral de ordenación municipal do Concello de Vigo, esta dirección resolveu ordenar a remisión do correspondente expediente ao Tribunal de Instancia-Sección do Contencioso-Administrativo-praza núm. 2 de Vigo.

Ao non poder realizarse a notificación persoal do emprazamento, mediante a presente cédula (que ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle por medio dun anuncio publicado no Boletín Oficial del Estado) emprázase a persoa con DNI 35583217D para que poida presentarse como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 19 de febreiro de 2026

Victoria Núñez López
Directora da Axencia de Protección da Legalidade Urbanística