En sesión do Pleno do Concello da Guarda, do 28 de xaneiro de 2026, adoptouse o seguinte acordo:

Primeiro. Aprobar a modificación de usos do Plan especial de infraestruturas e dotacións da Sangriña cambiando o uso dotacional da parcela P4-SER destinada a servizos municipais, para destinala a uso deportivo, mantendo a titularidade pública.

Resumo da modificación de usos:

P4-SER EQ-SER

Parcela uso: equipamento servizos punto limpo/nave garaxe-almacén municipal.

Aprobada esta modificación de usos, queda do seguinte xeito:

P4-SER EQ-DEP

Parcela uso: equipamento deportivo.

Segundo. Que se rectifique o inventario de bens do Concello para os efectos de recoller este cambio de uso.

Terceiro. Publicar o acordado no Boletín Oficial da provincia e no Diario Oficial de Galicia.

Cuarto. Comunicar o acordo, en virtude do artigo 88 da Lei 2/2016, do 10 de febreiro, de solo de Galicia, á consellería competente en materia de urbanismo para a súa inscrición no Rexistro de Plans Urbanísticos de Galicia.

Quinto. Comunicar ao Catastro e ao Rexistro da Propiedade as modificacións efectuadas.

A Guarda, 4 de febreiro de 2026

Roberto José Álvarez Carrero
Alcalde